नाशिक- दिल्ली येथे २९ एप्रिल ते ३ मेदरम्यान ६८ व्या १९ वर्षाआतील शालेय राष्ट्रीय अजिंक्यपद स्पर्धेचे आयोजन केले होते. या स्पर्धेत उपविजेतेपद पटकाविणाऱ्या महाराष्ट्राच्या संघात नाशिकच्या सुषमा चौधरीचा समावेश होता. तिने स्पर्धेत रौप्यपदक जिंकले आहे..सुषमा ही वाय. डी. बिटको कन्या शाळा आणि कनिष्ठ महाविद्यालयातील विद्यार्थिनी आहे. संस्कृती नाशिक आणि स्व. सुरेखाताई भोसले निवासी खो-खो प्रबोधिनीची खेळाडू आहे. या वर्षी सुषमाने पश्चिम विभागीय अस्मिता लीग खो-खो स्पर्धा, तसेच राष्ट्रीय अस्मिता लीग खो-खो स्पर्धा आणि १८ वर्षाआतील राष्ट्रीय अजिंक्यपद स्पर्धेतील विजेत्या महाराष्ट्राचे प्रतिनिधित्व केले आहे. .या वर्षातील तिची चौथी राष्ट्रीय स्पर्धा आहे. यापैकी तीन स्पर्धेत तिला सुवर्ण, एका स्पर्धेत रौप्यपदक मिळाले आहे. ती उमेश आटवणे आणि गीतांजली सावळे यांच्या मार्गदर्शनाखाली नियमीत सकाळी आणि संध्याकाळी श्री छत्रपती शिवाजी महाराज क्रीडा संकुल येथे सराव करते. .HSC Exam Results : प्रतीक्षा संपली, बारावीचा उद्या निकाल .गेल्यावर्षी १७ वर्षाआतील शालेय राष्ट्रीय अजिंक्यपद स्पर्धेतील विजेत्या महाराष्ट्राचे नेतृत्व करताना देशातील सर्वोत्तम अष्टपैलू खेळाडूचा पुरस्कार पटकाविला होता. यापूर्वी सुषमाने १४ वर्ष, १७ वर्षे, १८ वर्ष आणि १९ वर्षा आतील अशा सर्व वयोगटात महाराष्ट्राचे प्रतिनिधित्व केले आहे. अशी कामगिरी करणारी सुषमा चौधरी ही प्रबोधिनीची पहिली महिला खेळाडू आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
