नाशिक- जिल्हा परिषद प्रशासनाने राबविलेल्या कर्मचारी बदल्यांच्या प्रक्रियेच्या चौकशीनंतर विभागीय आयुक्तांनी अयोग्य झालेल्या बदल्यांत सुधारणा करण्याचे आदेश दिले आहेत. त्यानुसार सोमवारी (ता. २) आरोग्य विभाग व ग्रामसेवकांच्या बदल्यांत किरकोळ फेरबदल करण्यात आले. मुख्य कार्यकारी अधिकाऱ्यांचे बदल्यांचे अधिकार ३१ मेस संपल्यामुळे, यापुढे कोणतीही बदली विभागीय आयुक्तांच्या परवानगीशिवाय होणार नाही. त्यामुळे प्रशासनाने सध्या बदल्यांना पूर्णविराम दिला आहे.