Climate Control Action Plan तयार करण्याचा NMCचा निर्णय

नाशिक : शहरांमध्ये जल, वायू व जमिनीचे प्रदूषण वाढत असल्याच्या पार्श्वभूमीवर महापालिकेने क्लायमेट कंट्रोल ऍक्शन प्लॅन तयार करण्याचा निर्णय घेतला आहे. यासाठी वर्ल्ड रिसोर्स इन्स्टिट्यूट या संस्थेची नियुक्ती केली आहे. डिसेंबरअखेरपर्यंत हवेची गुणवत्ता सुधारण्यासाठी काय उपाययोजना करायच्या, या संदर्भात आराखडा सादर केला जाणार आहे. (NMC decision to prepare Climate Control Action Plan Nashik latest marathi news)

२०५० पर्यंत नेट झिरो उत्सर्जन मोहीम साध्य करण्यासाठी केंद्र सरकारने देशभरात उपक्रम हाती घेतला आहे. त्या अंतर्गत राज्यातील ४३ शहरांची निवड करण्यात आली आहे. या ४३ शहरांमध्ये नाशिकचा समावेश केला आहे. नाशिक महापालिकेकडून वातावरण बदल कृती आराखडा अर्थात क्लायमेट कंट्रोल ऍक्शन प्लॅन तयार करण्यासाठी वर्ल्ड रिसोर्स इन्स्टिट्यूट संस्थेची नियुक्ती केली आहे.

संस्थेकडून शहरात काम सुरू केले आहे. वातावरणात बदल होत असताना या बदलाचा काय परिणाम होईल हवा व उष्णतेबाबत काय चित्र असेल, पायाभूत सुविधांवर याचा काय परिणाम होईल, वाहतूक निवासी व अनिवासी इमारतीमधील ऊर्जा वापर व घनकचरा उत्सर्जनातील प्रमुख क्षेत्राचे योगदान, यावर अभ्यास केला जाणार आहे. कृती आराखड्यात उपाययोजना सुचविल्या जाणार आहे.

जागतिक संघटनेकडून अर्थसाह्य

वातावरण बदलांना सामोरे जाताना त्यासाठी कृती आराखडा तयार केला जाणार आहे. कृती आराखडा तयार करण्यासाठी जागतिक संघटनेकडून अर्थसाहाय्य उपलब्ध करून दिले जाणार आहे.

पुढील वर्षांपासून नेट झिरो कार्बन उद्दिष्ट गाठण्यासाठी अंमलबजावणी केली जाणार आहे. तापमान हवेचे प्रदूषण व पूर या आपत्तीचे विश्लेषण आराखड्यात केले जाणार आहे. डिसेंबरअखेर महापालिकेला अहवाल सादर झाल्यानंतर जानेवारी २०२३ पासून उपाययोजना केल्या जाणार आहेत..