Nashik Crime: वृद्धेची पोत तर युवकाचा मोबाईल हिसकावला; इंदिरानगर, अंबडमधील घटना

Nashik Crime : इंदिरानगर व अंबड परिसरात दुचाकीवरून आलेल्या संशयितांनी महिलांच्या गळ्यातील सोन्याची पोत बळजबरीने हिसकावून पोबारा केल्याच्या घटना घडल्या. या दोन घटनांमुळे पुन्हा महिलांमध्ये भितीचे वातावरण आहे. (Old womans chain stolen youths mobile stolen Incident in Indiranagar Ambad Nashik Crime)

हेही वाचा : Credit Card फसवणूक....काय घ्याल काळजी?

कमल बाबुराव कांबळे (६८, रा. चेतना नगर) यांच्या फिर्यादीनुसार, त्या गेल्या सोमवारी (ता. १७) सकाळी ८.३० वाजता घराजवळून पायी जात होत्या. त्यावेळी ॲक्टिवा मोपेडवरून आलेल्या संशयित दुचाकीस्वार चोरट्याने वयोवृद्ध कमल यांच्या गळ्यातील ६० हजार रुपयांची सोन्याची पोत बळजबरीने हिसकावून पोबारा केला.

याप्रकरणी इंदिरानगर पोलिसात जबरी चोरीचा गुन्हा दाखल करण्यात आला असून, सहायक उपनिरीक्षक शेख हे तपास करीत आहेत. तर दुसऱ्या घटनेत सिडकोतील उषा रुग्णालयासमोरून राहुल अरविंद बेडसे (२६, रा. ता. साक्री, जि. धुळे, सध्या रा. अशोकनगर, सातपूर) हा गेल्या शनिवारी (ता. १५) रात्री पायी जात होता.

त्यावेळी दुचाकीवरून आलेल्या दोघांपैकी एकाने राहुलच्या हातातील ११ हजार रुपयांचा मोबाइल बळजबरीने हिसकावून पोबारा केला. याप्रकरणी अंबड पोलिसात जबरी चोरीचा गुन्हा दाखल करण्यात आला असून, उपनिरीक्षक शेख हे तपास करीत आहेत.