Bhaubij 2022 : शिक्षणासाठी परदेशात असलेल्या भावासाठी Online भाऊबीज

नाशिक रोड : माणूस कोणत्याही स्थितीत संस्कृती संचित जपताना दिसतो. दीपावली हा हिंदू संस्कृतीतील महत्त्वाचा सण आहे. आपले सण, उत्सव, लोकपरंपरा खूप लवचिक असतात. वेगवेगळ्या रूपात त्याची अभिव्यक्ती होत असते. विदेशात असणारे भारतीय आणि महाराष्ट्रीय माणसं त्या ठिकाणी आपले सण उत्सव साजरे करताना दिसतात. (Online Bhaubij for brother abroad for education Nashik News)

नुकताच दीपोत्सव घरोघरी साजरा झाला. नाशिक येथील अभिजित बगदे वकील यांच्या घरी मात्र तो अनोख्या पद्धतीने साजरा झाला. त्यांचा चिरंजीव इशम नुकताच अमेरिकेत शिक्षण आणि व्यवसायासाठी गेला आहे. यावर्षी प्रथमच चिरंजीव ईशम घरी नसल्याने भाऊबीजेचा सण कसा साजरा करावा, असा प्रश्न निर्माण झाला. त्यातून त्यांच्या घरातली भाऊबीज ऑनलाइन झाली. कन्या आयुषीने आपल्या अमेरिकेतील भावाला ऑनलाइन बोलावले. तो ऑनलाइन आला. त्यानंतर त्याचे औक्षण केले.

"डिजिटल युगामुळे भाऊबीज करणे शक्य झाले. भावाला ओवाळल्याचा आनंदही द्विगुणित झाला." - आयुशी बगदे