नाशिक- शहर परिसरामध्ये गेल्या काही दिवसांमध्ये गुन्हेगारी घटनांमध्ये वाढल्या आहेत. खून, खुनाचे प्रयत्न, धारदार हत्याने मारहाणीच्या घटना सातत्याने घडत असून त्यामुळे नागरिकांमध्ये भितीचे वातावरण आहे. .एकीकडे पोलीस आयुक्त संदीप कर्णिक यांनी शहरात झिरो टॉलरन्सला प्राधान्य दिेले असताना, शहर पोलिसांना त्याचा विसर पडला की काय, अशी शंका उपस्थित होते आहे. आयुक्तालय हद्दीत रस्त्यावरच्या हाणामारीच्या घटना वाढल्या असून, संशयितांकडून दोन घटनांमध्ये धारदार शस्त्रांचा वापर करण्यात आला आहे. तर, एका घटनेत संशयितांनी जातीवाचक शिवीगाळ करीत दुकानावरच बेकायदेशीररित्या कब्जा केला आहे. इंदिरानगरमध्ये वृद्धेच्या गळ्यातील सोन्याचे दागिने खेचून नेल्याचीही घटना घडली आहे..दिंडोरी रोडवरी भाजीपाला मार्केटमध्ये हमालांमधील वाद नवा नाही. मंगळवारी (ता.२५) चौघांनी एकाच्या डोळ्यात मिरची पूड फेकून धारदार शस्त्राने मारून दुखापत केली. प्रतिक बर्वे, सचिन गायकवाड, साहिल गायकवाड, अंक्या अशी संशयितांची नावे आहेत. प्रकाश सुनिल गायकवाड (२०, रा. सम्राटनगर, फुलेनगर, पंचवटी) याच्या फिर्यादीनुसार, मंगळवारी (ता.२५) सायंकाळी साडेपाचच्या सुमारास हरिओम व्हेजीटेबल कंपनीचे काम आटोपून मित्र दीपक लोंढे याच्यासमवेत बसलेला असताना संशयित त्याठिकाणी आले. .त्यांनी अचानक प्रकाशच्या डोळ्यात मिरची पूड फेकली आणि त्याच्यावर धारदार शस्त्राने हल्ला केला. यात त्यास गंभीर दुखापत झाली आहे. याप्रकरणी पंचवटी पोलिसात गुन्हा दाखल केला आहे. तिबेटियन मार्केट येथे फळांचे पैसे मागितल्याच्या कारणावरून संशयितांनी फळविक्रेत्यांना धारदार शस्त्राने मारहाण केली. विपुल सतिश बत्तीसे (२०, रा. बेथेलनगर, शरणपूर रोड) याच्या फिर्यादीनुसार, त्याचा तिबेटियन मार्केट येथे फ्रुडविक्रीचा आहे. बुधवारी (ता. २६) दुपारी पावरे चारच्या सुमारास संशयित वेदांत पाटील, जोजो पाटील (दोघे रा. बेथेलनगर) व त्याच्या दोन साथीदारांनी विपुल याच्याकडून फळांची खरेदी केले असता, त्याने संशयितांकडे पैसे मागितले. त्यावेळी संशयितांनी त्यांच्याकडील धारदार हत्याराने त्याच्या डोक्यात व हाताला मारून दुखापत केली. याप्रकरणी सरकारवाडा पोलिसात गुन्हा दाखल केला आहे..दुकानावर कब्जामखमलाबाद नाका येथे चव्हाणके टॉवर्समध्ये असलेल्या दुकानाला साखली लावून लॉक करून बेकायदेशीररित्या कब्जा केला. सुप्रिया दिगंबर चव्हाणके, अभिजित राजेंद्र चव्हाणके व त्याची पत्नी, आरती अभिजित चव्हाणके (सर्व रा. मखमलाबाद नाका) अशी संशयितांची नावे आहेत. रविना शुभम सोसे (३०,रा. मखमलाबाद रोड) यांच्या फिर्यादीनुसार, त्यांचे पती शुभम सोसे यांनी चव्हाणके टॉवर्समध्ये दुकान खरेदी केले. या दुकानाला संशयितांनी फेब्रुवारी २०२५ पासून बेकायदेशीररित्या लॉक करून साखळी लावून दुकान उघडण्यास मज्जाव केला. तसेच त्यावर कब्जा केला असून, जातीवाचक शिवीगाळही केली. याप्रकरणी पंचवटी पोलिसात ॲट्रोसिटीअन्वये बेकायदेशीर कब्जा केल्याप्रकरणी गुन्हा दाखल केला असून, अधिक तपास सहायक पोलीस आयुक्त पद्मजा बढे या करीत आहेत..वृद्धेचे दागिने केले लंपासराजीव नगर येथे दोघांनी वृद्धेच्या गळ्यातील सोन्याचे दागिने हिसकावून पोबारा केला. सिंधू केशव जगताप (७५, रा. गणेश कॉलनी, चेतनानगर) यांच्या फिर्यादीनुसार, मंगळवारी (ता.२५) रात्री साडेआठच्या सुमारास त्या राजीवनगर येथील बांगड्याच्या दुकानात बांगड्या भरण्यासाठी गेल्या, परंतु दुकान बंद असल्याने त्या घराकडे परतत होत्या. त्यावेळी समोरून आलेल्या दोघा भामट्यांनी त्यांच्या गळ्यातील सोन्याची ठुशी व सोन्याची चैन असा २४ हजारांच्या ऐवज बळजबरीने हिसकावून पोबारा केला. याप्रकरणी इंदिरानगर पोलिसात जबरी चोरीचा गुन्हा दाखल केला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
