इगतपुरीत हाय-प्रोफाइल रेव्ह पार्टीवर छापा

इगतपुरी (जि. नाशिक) : येथे आज पहाटेच्या सुमारास रिसॉर्टमध्ये सुरु असलेल्या हाय प्रोफाइल रेव्ह पार्टीवर नाशिक ग्रामीण पोलिसांनी छापा टाकला. या धाडीमध्ये ड्रग्स आणि हुक्का सेवन करतांना 22 जणांना रंगेहाथ पकडण्यात आले आहे. (Police raid a high-profile rave party in Igatpuri featuring Marathi and southern actresses)

या हाय-प्रोफाइल रेव्ह पार्टीत अटक केलेल्यांमध्ये 10 पुरुष आणि 12 महिला अशा एकूण 22 जणांना समावेश असून महिलांमध्ये मराठी आणि साऊथ फिल्म इंडस्ट्रीतील अभिनेत्री देखील आहेत. त्यापैकी एक बिग बॉसमध्ये स्पर्धक राहिलेल्या अभिनेत्री आणि एका परदेशी महिला असल्याचे उघड झाले आहे. फिल्म इंडस्ट्रीतील 2 कोरियोग्राफरचा अटक केलेल्यांमध्ये समावेश आहे.

इगतपुरीमध्ये मानस रिसॉर्टच्या हद्दीतील स्काय ताज विला या बंगल्यावर छापा टाकण्यात आला होता. शनिवारी मध्यरात्री दोन वाजण्याच्या सुमारास नाशिक ग्रामीण पोलीस अधीक्षक सचिन पाटील यांनी टीमसोबत धाड टाकली होती. गुप्त बातमीदाराच्या माहितीच्या आधारे ही कार्यवाही करण्यात आली. या कारवाईत पोलिसांनी ड्रग्ज आणि कॅश देखील जप्त केली असून अटक केलेल्यांची वैद्यकीय चाचणी करण्यात येत आहे.

(Police raid a high-profile rave party in Igatpuri featuring Marathi and southern actresses)