जुने नाशिक- शिरखुर्मा तयार करण्यासाठी वापरल्या जाणाऱ्या सुकामेव्यातील काही पदार्थाचे दर दुपटीने वाढले आहे. वाढलेल्या महागाईने शिरखुर्माचा गोडवा कडवटला आहे. बाजारातील खरेदी-विक्रीवरही त्याचा परिणाम झाला आहे..रमजान पर्वातील महिनाभराच्या रोजा अर्थात उपवासाची सांगता ईदच्या दिवशी शिरखुर्मा सेवन करून होत असते. त्यात खारीक (खजूर), चारोळी, पिस्ता, खोबरे, बदाम, काजू, किसमिस, अक्रोड, खसखस अशा विविध पदार्थांचा समावेश असतो. चंद्रदर्शनावर अवलंबून सोमवार (ता. ३०) अथवा मंगळवारी (ता. ३१) रमजान ईद साजरी होण्याची शक्यता आहे. त्यानिमित्त सुकामेव्याची खरेदी करण्यासाठी बाजारात गर्दी केली जात आहे. दूध बाजार, चौक मंडई, बागवानपुरा येथे सुक्यामेव्याची दुकाने सजली आहेत. .सुकामेव्यातील काही पदार्थांना महागाईची झळ बसली आहे. त्यांचे दर दुपटीने वाढले आहे. त्यामुळे शिरखुर्माचा गोडवा काहीसा कडवटला आहे. दुसरीकडे खोबऱ्याच्या दरात चांगलीच वाढ झाली आहे. गेल्या वर्षी १५० रुपये प्रतिकिलो विक्री होणारे खोबरे यंदा २४० प्रतिकिलो दराने विक्री होत आहे. पिस्ताचे दर स्थिर आहे. तर चारोळी आणि खारीकचे दर काही अंशी कमी झाले आहे..सुकामेव्यातील बहुतांशी पदार्थांचे दर वाढले आहे. सुमारे २५ ते ३० टक्क्यांनी दरांमध्ये वाढ झाली आहे. त्यामुळे ग्राहक कमी प्रमाणात सुकामेव्याची खरेदी करत आहेत. त्याचा काहीसा परिणाम व्यवसायावर दिसून येत आहे. -युनूस तांबोळी, दुकानदार.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
