येवला (जि. नाशिक) : येथील कृषी उत्पन्न बाजार समितीत सोमवारी (ता.१२) कांद्याची विक्रमी ४५ हजार क्विंटल आवक झाली. बाजारभावात गेल्या आठवड्यातील शुक्रवारच्या तुलनेत काहीशी सुधारणा झाली.
कृषी उत्पन्न बाजार समितीच्या येवला मुख्य बाजार आवारात सोमवारी १ हजार ट्रॅक्टरमधून सुमारे ३२ हजार क्विंटल लाल व उन्हाळ कांद्याची आवक झाली. या ठिकाणी लाल कांद्यास प्रतिक्विंटल किमान ३०० ते कमाल ९१९ (सरासरी ७५०) रुपये तर उन्हाळ कांद्यास किमान ३०० ते कमाल १०५० (सरासरी ९००) रुपये असा बाजारभाव मिळाला. अंदरसूल उपबाजार आवारात ४५० ट्रॅक्टरमधून सुमारे १३ हजार क्विंटल कांदा आवक झाली. येथे लाल कांद्यास प्रतिक्विंटल किमान २०० ते कमाल ८६० (सरासरी ७५०) रुपये तर उन्हाळ कांद्यास किमान २०० ते कमाल ९५० (सरासरी ८००) रुपये बाजारभाव मिळाला.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.