नाशिक- नाशिक व त्र्यंबकेश्वरनंतर मध्य प्रदेशातील उज्जैन येथे आठ महिन्यांनंतर सिंहस्थ कुंभमेळा होणार आहे. तेथे आतापासूनच कुंभाची तयारी प्रशासनाने केली आहे. नाशिकच्या धर्तीवर सिंहस्थ कुंभमेळा होतो; परंतु नाशिकमध्ये अद्यापही कागदावरच कुंभमेळा नियोजन रेंगाळत असल्याची नाराजी व्यक्त करताना आम्हाला पर्वणीच्या तारखांपूर्वी सहा महिने अगोदर कुंभमेळ्याच्या सुविधा हव्या आहेत, असा स्पष्ट इशारा साधू-महंतांनी आज दिला.