Women entrepreneurs learned ONDC registration, digital commerce, ecommerce, GST, and business growth strategies during the MSME workshop.
Sakal
नाशिक : डिजिटल तंत्रज्ञानाच्या युगात आपल्या व्यवसायाला ‘ओपन नेटवर्क फॉर डिजिटल कॉमर्स’ (ओएनडीसी) या ऑनलाइन प्लॅटफॉर्मची जोड दिल्यास झपाट्याने व्यवसायवृद्धी होईल. सूक्ष्म, लघु व मध्यम उद्योगांना (एमएसएमई) केंद्र सरकारच्या ‘ओएनडीसी’सारखे प्लॅटफॉर्म आणि शासनाच्या विविध योजना यांची एकत्रित माहिती देणारी कार्यशाळा ‘सकाळ’ संलग्न कौशल्य प्रशिक्षण संस्था ‘एसआयआयएलसी’ आणि ‘इझी-पे’ यांच्यातर्फे, तसेच ‘तनिष्का’ व्यासपीठाच्या सहकार्याने मंगळवारी (ता. ३०) कालिकादेवी मंदिर सभागृहात पार पडली. ‘ऑनलाइन दिसाल तर जास्त विकाल’ हा मंत्र या वेळी महिला उद्योजकांना देण्यात आला.
