Nashik Crime News : चक्क किराणा दुकानात दारूची विक्री; पोलिसांच्या हाती लागले मोठे घबाड

सिडको : वरचे चुंचाळे, तसेच महालक्ष्मीनगर भागात किराणा दुकानात देशी दारू विक्रीचा अवैध व्यवसाय सुरू असल्याची माहिती अंबड पोलिसांना मिळाली असता, शनिवारी (ता. २८) छापा टाकून चाळीस हजार रुपये किमतीचे देशी व विदेशी दारूच्या बाटल्या हस्तगत केल्या आहे.

या वेळी तीन जणांना ताब्यात घेतले असून, त्यांच्यावर गुन्हा दाखल करण्यात आला. याप्रकरणी पुढील तपास अंबड पोलिस ठाण्याचे वरिष्ठ निरीक्षक नंदन बगाडे यांच्या मार्गदर्शनाखाली सुरू आहे. पोलिसांच्या कारवाईने नागरिकांमधून समाधान व्यक्त केले जात आहे. सदर कारवाई निरीक्षक बगाडे यांच्या मार्गदर्शनाखाली सहायक निरीक्षक वसंत खतेले, उपनिरीक्षक संदीप पवार यांच्या पथकाने केली.