नाशिक- जिल्ह्यातील बिगरअनुसूचित क्षेत्राबाहेरील ८१० ग्रामपंचायतींच्या सरपंच आरक्षणाची सोडत २१ एप्रिलला काढण्यात येणार आहे. पंधराही तालुक्यांमध्ये तहसीलदारांच्या अध्यक्षतेत दुपारी बाराला विशेष सभेत ही प्रक्रिया होईल. .ही प्रक्रिया पार पाडल्यानंतर २३ आणि २४ एप्रिलला अनुसूचित तसेच बिगरअनुसूचित क्षेत्रात ५० टक्के महिला सरपंचपदांकरिता प्रांताधिकारी निर्णय घेतील. त्यामुळे राजकीय वर्तुळाचे लक्ष सोडतीकडे लागले आहे..शासनाने राज्यातील २०२५ ते २०३० या कालावधीत मुदत संपणाऱ्या बिगरअनुसूचित क्षेत्राबाहेरील ग्रामपंचायतींमधील सरपंचाच्या जागा आरक्षणनिहाय अंतिम केल्या. या जागांमध्ये जिल्ह्यातील ८१० गावांचा समावेश असून, गेल्या महिन्यात त्याबाबतचे आदेश काढण्यात आले. शासनाकडून प्रवर्गनिहाय जागांची संख्या अंतिम केल्यानंतर प्रत्यक्षात आता गावनिहाय सरपंचपदासाठी आरक्षण सोडत प्रक्रिया राबविली जाणार आहे. हे आरक्षण काढताना ५० टक्के जागा महिलांसाठी राखीव असतील..त्र्यंबकेश्वर, सुरगाणा, देवळा, दिंडोरी, नाशिक, निफाड, बागलाण, मालेगाव व नांदगाव या तालुक्यांमध्ये बुधवारी (ता. २३) दुपारी बाराला, तर इगतपुरी, कळवण, चांदवड, पेठ, सिन्नर आणि येवला या तालुक्यांत ५० टक्के महिला सरपंचपदासाठी गुरुवारी (ता. २४) विशेष सभा पार पडेल..MGNREGA : ‘मनरेगा’त कालानुरूप बदल गरजेचे; स्वतंत्र सर्वेक्षण करण्याची संसदीय समितीची शिफारस.बिगरअनुसूचित क्षेत्राबाहेरील जागाअनुसूचित जाती- ५४अनुसूचित जमाती- १०७ नागरिकांचा मागास प्रवर्ग- २१८ सर्वसाधारण प्रवर्ग- ४३१एकूण जागा- ८१०.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
