सिन्नर- सिन्नर तालुक्यातील पूर्व भागातील सांगवी येथील शेतकरी राजेंद्र घुमरे यांची तीन एकर डाळिंबबाग आगीच्या भक्षस्थानी येऊन खाक झाली. आग कशामुळे लागली हे समजले नसले तरी तळपत्या उन्हात आगीने रौद्र रूप धारण करत उभी डाळिंबबाग खाक झाली आहे..सांगवी येथील गट क्रमांक २२४ मध्ये घुमरे यांनी तीन एकरावर भगवा वाणाची सुमारे एक हजार ६० डाळिंब झाडांची पाच वर्षांपूर्वी लागवड केलेली होती. संबंधित बाग घुमरे यांनी बहार धरण्यासाठी विश्रांतीवर सोडलेली होती. त्यामुळे डाळिंबाच्या झाडास चांगल्या प्रकारे तान बसलेला होता. पिकास दिलेल्या विश्रांतीमुळे डाळिंब झाडाची पाने पूर्णपणे सुकलेली होती व बागेतील गवतसुद्धा सुकलेले होते. घुमरे डाळिंब बागेस पाणी देऊन बहार धरण्याचे नियोजन करणार होते..परंतु शुक्रवार (ता. ७) घुमरे सहकुटुंब कोपरगाव तालुक्यातील धारणगाव टाकळी येथे लग्न सोहळ्यास गेलेले असताना त्यांच्या सांगवी येथील डाळिंबबागेस दुपारी अचानक आग लागली. डाळिंबाची झाडे विश्रांतीमुळे सुकलेल्या अवस्थेत होती व बागेतील गवतही वाळलेले असल्यामुळे आगीने क्षणात रौद्र रूप धारण करत संपूर्ण बाग खाक झाली. परिसरातील संपत आभाळे, प्रशांत घुमरे, अविनाश घुमरे यांसह इतर शेतकऱ्यांनी आग विझविण्याचा प्रयत्नकेला; परंतु आगीने रौद्र रूप धारण करत संपूर्ण बाग खाक झाली. संबंधित घटनेची माहिती राजेंद्र घुमरे यांना कळविली असता, ते घरी परतले व जळालेली डाळिंबबाग बघून हाताश झाले. त्यांचे मोठे आर्थिक नुकसान झाले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
