- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
नाशिक : देवळाली गावात शिवजन्मोत्सव समितीच्या बैठकीत शिवसेनेच्या ठाकरे व शिंदे गटात झालेल्या राड्यावेळी केलेल्या गोळीबार व दंगलप्रकरणी दुसरा गुन्हा दाखल झाला आहे. लवटे यांच्या फिर्यादीनुसार मणियार यांनी गोळीबार केल्याचा दावा केला असून, त्यानुसार दुसरा गुन्हा दाखल झाला आहे.
दरम्यान, मणियार यांनी गोळीबार केल्याच्या गुन्ह्याचा तपास मुंबई नाका पोलिस ठाण्याचे गुन्हेशोध पथकाचे पोलिस निरीक्षक करणार आहेत. (Second case filed in Devalali firing case Conflicting complaints Nashik Crime News)
देवळाली गावातील दोन गटातील राडा व गोळीबारप्रकरणी पहिल्या दाखल गुन्ह्यात संशयित स्वप्नील लवटे यास पोलिसांनी अटक केली आहे. तर, सूर्यकांत लवटे यांच्या दुसऱ्या गटाविरोधात फिर्यादीनुसार, उपनगर पोलिसांत माजी नगरसेवक अस्लम ऊर्फ भय्या मणियार, प्रशांत जाधव, सागर कोकणे या संशयितांविरोधात गुन्हा दाखल केला आहे.
देवळाली गावातील सर्वपक्षीय शिवजन्मोत्सव समितीची बैठक सुरु असताना शिवसेना शिंदे गटाचे लवटे बंधू आणि ठाकरे गटातील अस्लम मणियार यांच्यात वाद झाला होता. दोन्ही गटात वाद होऊन शिवीगाळ व धक्काबुक्की होताच तलवार, कोयते, लाठ्याकाठ्या आणलेल्या संशयित मणियार यांच्या गटाने हल्ला केल्याचा दावा माजी नगरसेवक सूर्यकांत लवटे यांनी फिर्यादीत केला आहे. त्यानुसार संशयित मणियार, जाधव, कोकणेसह ८० ते १०० जणांविरोधाच गुन्हा दाखल करण्यात आला आहे.
दरम्यान, गेल्या गुरुवारी (ता.१९) झालेल्या राडा व गोळीबारप्रकरणी ठाकरे गटातील सागर कोकणे यांच्या फिर्यादीवरून स्वप्नील लवटे याच्यावर खुनाच्या प्रयत्नाचा गुन्हा दाखल करण्यात आला आहे. संशयित लवटेला पोलिसांनी अटक केली असून, त्याच्याकडील पिस्तूलही हस्तगत केली आहे.
तटस्थ तपासही होणार
सदर घटनेप्रसंगी दोन्ही गटांकडून गोळीबार करण्यात आला होता का, दोन्ही गटांकडून करण्यात आलेल्या आरोपात तथ्य आहे का, यासह प्रत्यक्षदर्शींच्या जबाबानुसार उपनगर पोलिस तपास करीत असल्याची माहिती परिमंडळ दोनचे उपायुक्त चंद्रकांत खांडवी यांनी दिली.
तर, सदरील गुन्ह्याचा तटस्थपणे तपास होण्यासाठी मणियार यांच्याविरोधातील गुन्ह्याचा तपास मुंबई नाका पोलिस ठाण्याचे गुन्हे शोध पथकाचे निरीक्षक चंद्रकांत आहिरे यांच्याकडे सोपविण्यात आलेला आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.