Nashik Crime News : ऑनलाईन दुचाकी विक्रीस काढणे पडले महाग

Nashik Crime News : महाकाली चौकातील एका तरुणाला आपल्या दुचाकीचे फोटो विक्रीकरिता ऑनलाइन व सोशल मीडियावर टाकणे चांगलेच महागात पडले. दुचाकीची ट्रायल घेण्याच्या बहाण्याने दुचाकी घेऊन संशयित फरार झाल्याची घटना घडली आहे. (Selling two wheeler online stolen at cidco Nashik Crime News)

हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत

प्रशांत जगताप यांनी दुचाकी (एमएच- १५- ईवाय- ४८१८) विकायची असल्याने त्यांनी सोशल मीडिया व ऑनलाइन ॲपवर दुचाकीचे फोटो अपलोड केले. काही दिवसातच त्यांच्याकडे सात ते आठ व्यक्तींनी भेट घेऊन दुचाकी बघितली.

अशा बुधवारी (ता.१२) एका अज्ञात संशयितांचा जगताप यांना फोन आला. बोलणे झाल्यानंतर जगताप यांनी त्याला शुभम पार्क जवळील एका ज्वेलर्स दुकानाजवळ बोलविले. दोघांची चर्चा झाल्यानंतर, संशयिताने ट्रायल करता दुचाकी घेऊन गेला तो पुन्हा आलाच नाही.

ज्या नंबर वरून जगताप यांना फोन करण्यात आला होता, तो बंद होता. जगताप यांना फसवणूक झाल्याचे लक्षात आल्यानंतर जगताप यांनी थेट अंबड पोलिस ठाण्यात धाव घेतली. या वेळी ज्वेलर्स दुकानाजवळील माजी नगरसेवक डी. जी. सूर्यवंशी यांचे कार्यालय असून, त्या कार्यालयाच्या सीसीटीव्हीमध्ये हा प्रकार कैद झाला आहे.