सिडको- उत्तमनगर भागात सोमवारी (ता. १४) सकाळपासून चेंबरद्वारे मोठ्या प्रमाणात सांडपाणी रस्त्यावर वाहताना दिसले. अनेक तास उलटूनही महापालिकेकडून कोणतीही तत्काळ उपाययोजना न झाल्यामुळे स्थानिक रहिवाशांमध्ये संतापाची लाट पसरली आहे..सकाळपासूनच मुख्य रस्त्यालगत असलेल्या चेंबरमधून सतत सांडपाण्याचा ओघ सुरु होता. या पाण्यामुळे रस्त्यावर चिखल साचला असून, वाहनचालक तसेच पादचाऱ्यांना प्रचंड त्रास सहन करावा लागत आहे. काही दुचाकीस्वार घसरून पडता पडता वाचल्याचे दिसून आले. परिसरात दुर्गंधी पसरली असून, आरोग्याच्या समस्या निर्माण होण्याची शक्यता आहे..दुपारपर्यंतही महापालिकेच्या सफाई किंवा दुरुस्ती कर्मचाऱ्यांनी घटनास्थळी हजेरी लावलेली नव्हती. त्यामुळे नागरिकांत नाराजी असून, प्रशासनाच्या निष्क्रियतेवर तीव्र टीका होत आहे. याप्रकरणी महापालिकेकडे वारंवार तक्रारी करूनही अद्याप कोणतीच ठोस कारवाई करण्यात आलेली नाही. .या सांडपाण्याचे नेमके स्रोत काय आहेत, हे स्पष्ट होऊ शकलेले नाही. मात्र, स्थानिक नागरिकांच्या मते हे पाणी गटारातील असून, चेंबर तुंबल्यामुळे ते रस्त्यावर वाहत आहे. परिसरातील पिण्याच्या पाण्याच्या टाक्यांनाही त्यामुळे धोका निर्माण होऊ शकतो. भविष्यात अशी समस्या पुन्हा उद्भवू नये यासाठी कायमस्वरूपी उपाययोजना कराव्यात, अशी जोरदार मागणी केली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
