Igatpuri News : इगतपुरी नगर परिषद हद्दीत तीव्र पाणीटंचाई

इगतपुरी शहर- पावसाचे माहेरघर असलेल्या इगतपुरीत एप्रिलमध्येच भीषण पाणीटंचाई जाणवू लागली आहे. नगर परिषदेच्या हद्दीतील आदिवासी पाड्यावरील महिलांना भटकंती करावी लागते. पावसाळ्यात सुमारे चार हजार मिलिमीटर पाऊस होत असूनही पाण्याचे योग्य नियोजन नसल्याने पाणीटंचाईच्या झळा एप्रिलपासूनच सुरू झाल्या आहेत..भावली धरणातून ३२ कोटी रुपये खर्चून शहराला पाणीपुरवठा करण्यासाठी जलवाहिनी टाकण्यात आली आहे. मात्र तरीही शहरात गेल्या पाच वर्षापासून आठवड्यातून फक्त तीन दिवसच पाणीपुरवठा केला जात आहे. नगरपरिषद हद्दीतील तळेगाव शिवारातील कातुरवाडी, वाघाचा झाप, मेंगाळ झाप या वस्तीमधील दोनशे ते अडीचशे लोकसंख्या असलेल्या या आदिवासी नागरिकांना भीषण पाणीटंचाईचा सामना करावा लागत आहे. .या वाडीच्या नागरिकांना थेट दोन किमी असलेल्या घाटनदेवी मंदिरासमोरील खोल उंटदरीतील झऱ्यातील पाणी पिण्यासाठी आणावे लागत आहे. या वाडीपासून हा झरा जवळपास दोन किलोमीटरवर असून रस्ता नसलेल्या थेट खोल असलेल्या डोंगरदऱ्यातून हे पाणी आणावे लागत आहे. या वाड्यातील नागरिकांना पिण्याच्या पाण्यासाठी वणवण करावी लागत आहे. या वाड्यापाड्या नगरपरिषद हद्दीत असूनही अद्यापही या ठिकाणी नळ कनेक्शन पोहचलेले नाही..लग्नाळूंसाठी आनंदाची बातमी! खरमास संपला, आता 14 एप्रिलपासून 'या' तारखेपर्यंत वाजणार सनई चौघडे, त्यानंतर कधी मुहूर्त?. आमच्या वाडीत गेल्या तीस वर्षापासून नगरपरिषद हद्दीत समाविष्ट करण्यात आल्या आहेत. मात्र अद्यापही आमच्याकडे नळ कनेक्शन जोडण्यात आलेले नाहीत. प्रत्येक पंचवार्षिक निवडणुकीवेळी लोकप्रतिनिधी व नगरसेवक मत मागताना तुमच्या समस्या सोडवू असे आश्वासन देतात. मात्र आजपर्यंत कोणीही आश्वासनाची पूर्तता केलेली नाही.- वासुदेव वाघ, स्थानिक नागरिक.या ठिकाणी हाकेच्या अंतरावर महाराष्ट्र जीवन प्राधिकरणाचा तळेगावला डॅम आहे. केवळ नियोजन नसल्यामुळे व मनमानीमुळे शहर परिसरातील नागरिकांना पिण्याच्या पाण्यासाठी भटकंती करावी लागत आहे. स्थानिक आदिवासी बांधवांवर नगरपरिषद अन्याय करत आहे. शहरातही कमी दाबाने पाणीपुरवठा केला जात आहे.- संजय खातळे, युवा नेते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.