Shiv Senaच्या ‘कठपुतली’ देखाव्याची सर्वदूर चर्चा | Latest Marathi News | Sakal
sakal

बोलून बातमी शोधा

flex placed and discussed at Rathchakra Chowk & puppet appearance of the circle.

Shiv Senaच्या ‘कठपुतली’ देखाव्याची सर्वदूर चर्चा

इंदिरानगर (जि. नाशिक) : येथे शिवसेनाप्रणीत युवक मित्रमंडळाने गणेशोत्सवात ठेवलेला कठपुतलीचा देखावा आणि शेजारीच बाळासाहेब ठाकरे यांच्या फोटोसह ‘कठपुतलीला विचार नसतो’, अशा आशयाचा महाकाय फलक परिसरात चर्चेचा विषय झाला आहे. सेनेमधील फूट आणि नवे सरकार याच्याशी याचा काहीच संबंध नाही असे कितीही सांगितले जात असले तरी अप्रत्यक्ष त्यावरच हे भाष्य आहे, अशा प्रतिक्रिया नागरिकांत उमटत आहेत. (Shiv Sena puppet dance appearance spectacle in indiranagar ganeshotsav 2022 nashik Latest Marathi News)

हेही वाचा: Ganeshotsav 2022 : श्रीराम जन्मभूमी प्रतिकृतीने इंदिरानगर परिसर श्रीराममय

एरवी कठपुतली म्हटली की लहान मोठ्या सर्वांनाच या कठपुतलींचा नाच आणि विविध गाण्यांवर केलेली करमणूक भावते. विशेषतः लहान मुलं त्यात अधिक रमतात. रथचक्र चौकात शिवसेनाप्रणीत युवक मित्रमंडळाने संस्थापक संजय गायकर यांच्या मार्गदर्शनाखाली गणेशोत्सवानिमित्त उभारलेला हा देखावा बघण्यासाठी मोठी गर्दी होत आहे.

लहान्यांची करमणूक होत असताना सोबत असणाऱ्या मोठ्यांचे लक्ष मात्र शेजारीच लावलेला बाळासाहेब ठाकरे यांचे जणू देखावा दाखवणारे छायाचित्र असलेला फलक आणि त्यावर असणाऱ्या ओळी लक्ष वेधून घेत आहेत. कठपुतलीला विचार नसतो, दोरी ज्याच्या हातात, त्याच्याच विचारांनी नाचावंच लागतं’, या ओळी या फलकावर असून त्याचा संबंध येथे भेट देणारे नागरिक शिवसेनेमधील फूट आणि सध्याचे शिंदे सरकार यांच्याशी लावत आहेत.

अनेकांनी याबाबत मंडळाच्या पदाधिकाऱ्यांना विचारलेदेखील. मात्र, राजकीय बाबींचा आणि या देखाव्याचा काही संबंध नसून करमणुकीसाठीच हा देखावा उभारला आहे असे स्पष्ट करण्यात आले आहे. मात्र कठपुतलीचा खेळ कसा चालतो याचा संबंध नागरिक मात्र राजकीय परिस्थितीशीच लावत आहेत. हा फलक आणि हा देखावा आता सोशल मीडियावरदेखील व्हायरल झाला आहे. शिवसेनेचे पदाधिकारी प्रकाश चौधरी, पंकज कराडे, मंडळाचे अध्यक्ष आदित्य दुसाने, कार्याध्यक्ष मनोज पाटील, उपाध्यक्ष मनोज सैंदाणे आणि सदस्य संयोजन करत आहेत.

हेही वाचा: टोइंग करताना देखभालीकडे दुर्लक्ष; पोलिसांची बघ्याची भूमिका

Web Title: Shiv Sena Puppet Dance Appearance Spectacle In Indiranagar Ganeshotsav 2022 Nashik Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..