नाशिक- सिडको परिसरातील अंबड लिंक रस्त्यावरील अभियंतानगर परिसरात जागोजागी रस्त्यावरील खड्ड्यांमुळे तसेच रस्त्यावर वाहणाऱ्या सुसाट वाहनांमुळे उडणाऱ्या धुळीमुळे परिसरातील नागरिक हैराण झाले आहेत..सिडको परिसरात अनेक ठिकाणी जागोजागी खड्डे पडल्यामुळे ते खड्डे बुजविण्याचे काम नवीन महापालिकेने हाती घेतले आहे. त्यामध्ये मुरूम तसेच माती टाकून खड्डा बुजविला जात असला तरीही त्यावरून भरधाव वेगाने वाहणाऱ्या वाहनांमुळे त्या खड्ड्यातील माती इतरत्र उडून रस्त्यावर धुळीचे साम्राज्य पाहायला मिळते. या उडणाऱ्या धुळीमुळे परिसरातील स्थानिकांचे आरोग्याचा प्रश्न ऐरणीवर आलेला दिसून येतो. याच अंबड लिंक रोड परिसरात शाळा आणि महाविद्यालय असून नागरिकांची रोजची वर्दळ मोठ्या स्वरूपात असते. शालेय, महाविद्यालयीन विद्यार्थी येथून ये-जा करत असतात. .अनेक वेळा रस्त्यांचे डांबरीकरण केले जात असून पुन्हा दुसऱ्या कामकाजासाठी तोच डांबरीकरण केलेला रस्ता पुन्हा नव्याने खोदला जातो. त्यामुळे रस्त्यावरील वाहन चालकांनाही याचा मोठा त्रास होतो. तसेच हा खोदलेला रस्ता बुजविण्यासाठी पुन्हा यावर माती आणि मुरमाचा मलम टाकून त्या रस्त्यावरील खड्डे बुजविले जातात. यामुळे कायमस्वरूपी डांबरीकरण रस्त्याला होत नसल्यामुळे रस्त्यावरील धूळ इतरत्र पसरते. धुळीमुळे रस्त्यावरून चालणाऱ्या नागरिकांना विविध आरोग्याचे प्रश्न उद्भवत असल्याचे दिसून येते. रस्त्यावरील धुळीचे साम्राज्य निर्माण होणार नाही, यासाठी रस्त्यावरील खड्डे बुजवून रस्त्यावरील माती साफसफाई करणे आवश्यक असल्याचे स्थानिक नागरिकांकडून बोलले जात आहे..अंबड लिंक रोड रस्त्यावरील अनेक ठिकाणी वेळोवेळी प्रशासनाकडून रस्त्याचे खोदकाम करून विविध कामे केले जातात. त्यानंतर तो रस्ता बरेच दिवस तसाच पडून असतो. या रस्त्यावरील मातीमुळे नागरिकांच्या जिवाला धोका होऊन आरोग्याच्या जटिल समस्या निर्माण होत आहेत. यामध्ये शाळकरी विद्यार्थ्यांना मोठा धोका असून प्रशासनाने रस्ते साफ करणे आवश्यक आहे.- संजय निकम, स्थानिक नागरिक.नवीन रस्त्याचा नागरिकांना मनस्तापसिडकोत दूरध्वनी सेवा केंद्र ते समर्थ चौक राणेनगर बोगद्यापर्यंत गेल्या महिन्यात एका रस्त्याचे सिमेंट काँक्रिटीकरण करण्यात आले. परंतु नव्याने रस्ता तयार करण्यात आल्यानंतर या रस्त्यावर मोठ्या प्रमाणात सिमेंट तसेच माती तसेच पडून असल्याने या ठिकाणी रस्ता नवीन तयार करूनही मोठ्या प्रमाणात रस्त्यावर उडणारी धूळ नागरिकांच्या जिवाशी खेळ करत आहे. कंत्राटदाराने रस्ता बनवल्यानंतर या रस्त्यावरील माती तसेच सिमेंट उचलून न नेल्यामुळे येथील रहिवाशांना मोठ्या प्रमाणात सिमेंट तसेच मातीचा सामना करावा लागत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
