खासदारकीच्या निवडणुकीत मोठ्या मताधिक्क्याने विजय मिळवीत इतिहासही घडविला. सिन्नरला प्रथमच खासदारकीचा मान राजाभाऊ वाजे यांच्या रूपाने मिळाला. लोकाभिमुख व जनसेवक खासदार म्हणून त्याची राज्यभर ख्याती आहे. - संपत ढोली, सिन्नर.नाशिक मतदारसंघातील कामांबाबत सातत्याने संसदेत प्रश्न मांडून त्याची सोडवणूक करण्यावर त्यांचा भर आहे. प्रश्न केवळ हातात घेऊन ते सोडून देत नाहीत, तर त्याचा यशस्वीरीत्या पाठपुरावा केला जातो. नाशिक-पुणे रेल्वेमार्गाचा प्रश्न त्यांनी चांगलाच उचलून धरला आहे. नाशिकला आयटी पार्क होण्यासाठी प्रयत्न करत आहेत. कुंभमेळ्यापूर्वी विविध प्रश्न मार्गी लावण्यावर त्यांनी भर दिला आहे. त्यावर संसदेत प्रश्न उपस्थित करून निधीची मागणी केली आहे. ड्रायपोर्ट, रस्ते, विमानसेवा, रेल्वेचा प्रश्न यांसह विविध प्रश्न त्यांनी हाताळले आहेत. .विकास केवळ दिसायला नको, तर तो प्रत्यक्ष जाणवला पाहिजे, यावर त्यांची श्रद्धा आहे. त्या दिशेने काम करून आमदारकीच्या कार्यकाळात सिन्नर तालुक्यासह टाकेद जिल्हा परिषद गटाच्या विकासावर लक्ष केंद्रित केले. त्यामुळेच प्रत्येक गावात कित्येक विकासकामे मार्गी लागली. माजी आ. सूर्यभान गडाख, माजी आमदार (कै.) रुक्मिणीबाई वाजे, अॅड. सुदामदाजी सांगळे यांच्या पुढाकाराने १९७२ च्या दुष्काळात गावागावांमध्ये तयार पाझर तलाव, बंधारे बांधले गेले. तथापि ते गाळाने भरल्याने त्यांची साठवणूक क्षमताच कमी झाली होती. .गाळ काढण्यासाठी ‘युवा मित्र’, ‘टाटा ट्रस्ट’च्या सहाय्याने मोहीम आखली. राज्य शासनाची जलयुक्त शिवार योजनाही आली. कडवा कॅनॉलची गळती थांबविण्यासह कॅनॉलची दुरुस्ती करण्यासाठी ५३ कोटींचा निधी मंजूर करून आणला. तालुक्यातील जास्तीत जास्त धरणे, बंधाऱ्यांतील गाळ काढण्यावर भर दिला आहे. संपूर्ण जिल्ह्यात सिन्नर तालुक्याची भूजलपातळी वाढली असल्याचा निष्कर्ष शासकीय यंत्रणेने काढला होता. नऊ कोटी ३० लाख रुपयांच्या निधीतून उपजिल्हारुग्णालयाची प्रशस्त इमारत साकारली आहे. देवपूर येथे प्राथमिक आरोग्य केंद्राचीही देखणी इमारत उभी राहिली व त्याचे कामकाजही सुरू झाले आहे..मतदारसंघातील रुग्णांना व त्यांच्या कुटुंबीयांना चार कोटींहून अधिक मदत मिळवून दिली आहे. एवढी विक्रमी मदत मिळणारा सिन्नर मतदारसंघ राज्यातील एकमेव मतदारसंघ ठरला होता. बारागाव पिंप्रीसह सात गाव योजनेसाठी सहा कोटी ९३ लाखांचा निधी आणून ती पूर्णत्वाला नेली आहे. त्यातून पाणीपुरवठा सुरू झाला आहे. मनेगावसह १६ गाव पाणीपुरवठा योजनेत भोकणी, देवपूर, धोंडवीरनगर, फर्दापूर, पांगरी खुर्द, कुंदेवाडी या सहा गावांचा समावेश करून योजनेच्या नूतनीकरण व दुरुस्तीसाठी २० कोटी ३४ लाख ८१ हजारांचा निधी मंजूर करून आणला. ही योजना प्रगतीवर आहे. तालुक्यात ३० तलाठी व पाच मंडल कार्यालये बांधण्यात आली आहेत. अभ्यासिकेची चळवळ संपूर्ण तालुक्यातच वेगाने फोफावते आहे. शहामध्ये १३२ के.व्ही. वीज केंद्राचे काम तडीस नेले. शहरातील सर्व मालमत्तांचे ड्रोनद्वारे सर्व्हेक्षण पूर्ण केले. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
