Soybean Market Price : सोयाबीनच्या बाजारभावाची घसरगुंडी

पिंपळगाव बसवंत- पाच वर्षांपूर्वी आठ हजार रुपयांपर्यंत गेलेले पिवळे सोने अर्थात सोयाबीनच्या बाजारभावात यंदा मोठी घसरगुंडी झाली आहे. शेतकऱ्यांचे पिवळे सोने यंदा काळवंडले असून, आठ वर्षांत प्रथमच बाजारभाव चार हजार रुपये प्रतिक्विंटलच्या खाली गेले आहेत. यामुळे उत्पादक शेतकरी मात्र हवालदिल झाले आहेत..खरीप हंगामातील मुख्य पीक असलेल्या सोयाबीनच्या कोसळलेल्या दरामुळे शेतकऱ्यांना उन्हासोबतच आर्थिक झळाही सोसाव्या लागत आहेत. भाववाढीच्या अपेक्षेने दोन वर्षांपासून साठवून ठेवलेल्या शेतकऱ्यांची घोर निराशा झाली आहे. जुने व नवीन सोयाबीन एकत्रित बाजारात विक्रासाठी येत असल्याने पालखेड मिरचीचे (ता. निफाड) उपबाजारात दिवसभरात ४०० क्विंटल सोयाबीनची आवक होत आहे. विधानसभा निवडणुकीत शेतकऱ्यांचा रोष उफाळू नये, यासाठी सोयाबीनच्या शासकीय खरेदीचा निर्णय झाला होता. .१५ ऑक्टोबर २०२४ पासून सोयाबीनची ४ हजार ८९२ रुपये प्रतिक्विंटल या हमी भावाने शासकीय खरेदी केली. त्यासाठी १४ लाख मेट्रिक टन एवढे उद्दिष्ट दिले होते. शासनाकडून नाफेडच्या माध्यमातून सुरू असलेली खरेदी थांबली. त्यामुळे शेतकऱ्यांना खासगी व्यापाऱ्यांकडे सोयाबीन विक्रीशिवाय पर्याय राहिला नाही. .शासकीय खरेदी बंद होताच सोयाबीनचे दर धडाधड कोसळत आहेत. तर गेल्या आठ वर्षांत सोयाबीन पिकाच्या उत्पादन खर्चात लक्षणीय वाढ झाली आहे. खत, बियाणे, कीटकनाशके, मजुरी आणि वाहतूक खर्च यांच्या किमतीमध्ये प्रचंड वाढ झाली आहे. अनेक शेतकऱ्यांच्या हिशोबानुसार प्रतिएकर सोयाबीन पिकविण्यासाठी आठ वर्षांपूर्वी एकरी आठ ते १० हजार रुपये खर्च येत होता तेथे आता हाच खर्च २५ ते ३० हजारांच्या घरात जात आहे..दोन वर्षांपूर्वीचा सोयाबीन बाजारातपालखेड उपबाजार सध्या सोयाबीनच्या आवकेने गजबजले आहे. दररोज ४०० क्विंटलहून अधिक सोयाबीन विक्रीसाठी येत आहे. सरासरी तीन हजार ८०० तर कमाल चार हजार रुपये प्रतिक्विंटल दर मिळतो आहे. आठ वर्षांपूर्वी आठ ते नऊ हजार रुपयांपर्यंत सोयाबीन दर तेजीत आले होते. आज खर्चात दुपटीने वाढ झाली असताना दर मात्र निम्म्याने घटले आहेत. खऱ्या सोन्याचे दर वधारले असताना शेतकऱ्यांच्या सोयाबिन रुपी पिवळ्या सोन्याच्या दरात कमालीची घट झाली आहे. उत्पादन खर्चही निघत नसल्याने सोयाबीन पीक तोट्याचे ठरत आहे..सोयाबीनचा दर एवढा खालावला की उत्पादन खर्चही निघेना. आठ वर्षांत खर्च तिप्पट दरात मात्र निम्म्याने घट, अशी शेतकऱ्यांची अवस्था आहे. शासनाने अनुदान द्यायला हवे.- बापूसाहेब कुशारे, शेतकरी, सावरगाव.पशू खाद्यासाठी लागणाऱ्या ढेपीची मागणी घटल्याने सोयाबीनचे दरही घटले आहेत. त्यात नव्यासह जुना सोयाबीन बाजारात विक्रीसाठी आला आहे. त्यामुळे मागणीपेक्षा पुरवठा जास्त असल्याने बाजारभावावर दबाव आला आहे.- मंगेश छाजेड, व्यापारी, पालखेड.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.