नाशिक : पोलिस दलाकडून दोन दिवसांमध्ये परिमंडळ एकमध्ये विशेष मोहीम राबविण्यात आली. यात 404 जणांवर कारवाई करण्यात आली असून, यामध्ये पोलिसांकडून पायी गस्त घालण्यावर विशेष जोर दिला जात आहे.
शहरात दीड महिन्यापासून गुन्हेगारीवर डोके वर काढले आहे. मागील 2दिवसामध्ये किरकोळ कारणावरून 7 खून झाले आहे. यातच 35 हून अधिक सोनसाखळी चोरी, घरफोड्या, दुचाकी चोरी, अपहरण, धारदार शस्त्राने वार करण्याच्या घटनांमध्ये सातत्याने वाढ होत आहे.
शहरातील वाढत्या गुन्हेगारीवर नियंत्रण मिळविण्याच्या उद्देशाने पोलिस आयुक्त जयंत नाईकनवरे यांच्या मार्गदर्शनाखाली शहरातील परिमंडळ एक अंतर्गत पंचवटी, आडगाव, म्हसरुळ, भद्रकाली, सरकारवाडा, गंगापूर, मुंबई नाका पोलिस ठाण्याच्या हद्दीत पोलिसांकडून दोन दिवसांपासून प्रत्येक पथकाच्या मदतीने विशेष मोहीम राबविली जात आहे. या पथकांमध्ये एक अधिकारी व सात अंमलदार असून, ते पोलिस ठाणे हद्दीतील महत्त्वाच्या ठिकाणी पायी पेट्रोलिंग, कोम्बिंग, अवैध दारू विक्री, टवाळखोर, अवैध जुगार खेळणाऱ्यांस रेकॉर्डवरील, तडीपार आणि हिस्टरी शिटर यांचा कसून शोध घेत आहे. दोन दिवसांपासून सुरू असलेल्या विशेष मोहिमेमध्ये ४०४ जणांवर कारवाई करण्यात आली आहे.
शनिवारी (ता. ४) केलेल्या कारवाईमध्ये अवैध दारू विक्री करणारे (२), अवैध जुगार (१) गुन्ह्यातील संशयित (५), बेकायदेशीर हत्यार (२), घरफोडी संशयित (२९), तडीपार (२७), टवाळखोर (११३), रात्री सुरू असलेल्या आस्थापना (१२) अशा २१८ कारवाई करण्यात आल्या. रविवारी (ता. ५) ही मोहीम राबविण्यात आली. यात ३५ तडीपार, ८३ टवाळखोर, रेकॉर्डवरील (१४), हिस्टरी शिटर (२०) असे एकूण १८६ जणांवर कारवाई करण्यात आलेली आहे. वेळेत दुकाने बंद न करणाऱ्या सात व्यावसायिकांविरुद्ध गुन्हे दाखल करण्यात आले आहेत. संशयास्पद फिरणाऱ्या एकाविरुद्ध मुंबई पोलिस कायद्यानुसार गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
