Special Train : धुळ्याहून दादरपर्यंत विशेष रेल्वेगाडी

Special Train : महाराष्ट्र दिनापासून धुळ्याहून दादरपर्यंत विशेष रेल्वेगाडी (०१०६५/०१०६६) सुरु करण्याचा निर्णय मध्य रेल्वेने घेतला आहे. धुळ्याहून सकाळी साडेसहाला ही गाडी सुटेल.

गाडीचा शुभारंभ शनिवारी (ता.२९) केंद्रीय रेल्वे राज्यमंत्री रावसाहेब दानवे सकाळी अकरा वाजता गाडीला हिरवा झेंडा दाखवून करणार आहेत. (Special train from Dhule to Dadar nashik news)

हेही वाचा : संतुलित आहारातून रोखा फॅटी लिव्हरचा आजार

ही गाडी शिरूड, जामदा, चाळीसगाव, नांदगाव, मनमाड, लासलगाव, निफाड, नाशिक रोड, इगतपुरी, कल्याण, ठाणे आणि दादर या ठिकाणी थांबणार आहे. त्यामुळे धुळ्याबरोबरच नाशिक, जळगाव, ठाणे जिल्ह्यातील प्रवाशांचाही मोठी सोय झाली आहे.

ही गाडी आठवड्यातून तीन दिवस म्हणजे सोमवार, मंगळवार आणि शनिवारी धुळ्याहून सकाळी साडेसहा वाजता सुटेल. ती दुपारी सव्वा वाजता दादरला पोहचेल. रविवार, सोमवार, शुक्रवार या तीन दिवशी ती दादरहून सव्वाचारला सुटेल आणि धुळ्याला रात्री साडेअकराला पोहचेल.

या गाडीला अकरा बोगी आहेत. त्यात एक एसी सीटिंग चेअरची बोगी, आठ विना वातानुकूलित बोगी आणि दोन ब्रेक व्हॅन बोगी असतील. नाशिक शहर व जिल्ह्यामध्ये मोठ्या प्रमाणात खानदेशवासीय बांधव नोकरी, व्यवसायानिमित्ताने राहतात. त्यांच्यासाठी ही गाडी उपयुक्त ठरणार आहे.