लासलगावात कंटेनरने बस चालकला चिरडले; बस कर्मचारी संतप्त

लासलगाव (जि. नाशिक) : लासलगाव आगाराच्या लासलगाव ते तुळजापूर MH-14-3641 ही बस आज (दि. १०) सकाळी लासलगाव आगारात प्रवेश घेत असताना कंटेनर (MH-43-Y-7463) ने धक्का दिला. बसचे चालक एस. पी. निकम हे बसमधून खाली उतरून बसची पाहणी करीत असताना, त्यांना कंटेनर चालकाने गाडीखाली चिरडून फरफटत नेले यात बसचालक निकम यांचा मृत्यू झाला.

कंटेनर चालकाने निकम यांना अतिशय क्रूरपणे बरेच अंतर फरफटत नेल्याने त्यांच्या शरीराचे तुकडे तुकडे झाले. या दुर्दैवी अपघातात चालक एस. पी. निकम यांना नाहक आपला जीव गमवावा लागला आहे. ऐन दिवाळीच्या सुरूवातीला या घटनेमुळे लासलगावकर सुन्न झाले असून लासलगाव बस आगारातील बसचालक, वाहक व कर्मचारी संतप्त झाल्याने बस सेवा बंद पडली.