शिष्यवृत्ती अर्जासाठी 30 जूनपर्यंत मुदतवाढ | Education News Nashik | Sakal
sakal

बोलून बातमी शोधा

Scholarship

शिष्यवृत्ती अर्जासाठी 30 जूनपर्यंत मुदतवाढ

नाशिक : महाडीबीटी (Maha DBT) पोर्टलवरुन विद्यार्थ्यांना शिष्यवृत्तीसाठी (Scholarship) अर्ज भरणे तसेच संबंधित अर्जांची महाविद्यालय व विभाग स्‍तरावरुन पडताळणी करण्यास मुदतवाढ दिलेली आहे. त्‍यानुसार येत्‍या ३० जूनपर्यंत ही प्रक्रिया पार पाडावी लागणार आहे.

हेही वाचा: वयाच्या 19 व्या वर्षीच विद्यार्थी होताय कमावते!

शिक्षण सहसंचालक विभागाने यासंदर्भात परिपत्रक जारी करताना सविस्‍तर सूचना दिलेल्या आहेत. त्‍यानुसार विद्यार्थ्यांच्‍या हिताच्‍या दृष्टीने, उच्च शिक्षण संचालनालयामार्फत हा निर्णय घेतला आहे. याअंतर्गत विभागातर्फे राबविण्यात येणाऱ्या चौदा शिष्यवृत्ती योजनांसाठी २०२०-२१ करीता ज्‍या विद्यार्थ्यांनी शिष्यवृत्तीसाठी अर्ज भरलेले आहेत, अशा विद्यार्थ्यांचे शिष्यवृत्ती त्रुटी पूर्तता करुन रि-अप्‍लाय करण्यासाठी ३० जूनपर्यंत मुदतवाढ दिलेली आहे. तसेच २०२१-२२ करीता ज्‍या विद्यार्थ्यांनी अद्यापही अर्ज भरलेले नाहीत, अशा विद्यार्थ्यांसाठी अर्ज भरण्यासाठीदेखील ३० जूनपर्यंत मुदतवाढ दिलेली आहे. या प्रक्रियेतील पुढील टप्‍यात संबंधित महाविद्यालय व विभागीय पातळीवरुन अर्जावर याच मुदतीत प्रक्रिया पूर्ण करावी लागणार आहे.

हेही वाचा: मविप्र वरिष्ठ महाविद्यालयांत प्रवेश मेरिट फॉर्मची उद्यापर्यंत मुदत

Web Title: Students Given An Extension To Fill Up Applications For Scholarships From The Mahadbt Portal Nashik News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..