नामपूर- सध्या उन्हाळ्याच्या सुट्टीमुळे शाळा कुलूपबंद असल्या तरी शिक्षकांना मात्र प्रशासनाने ऑनलाइन कामासाठी जुंपल्यामुळे शिक्षकांच्या सुट्टीच्या आनंदावर विरजण पडले आहे. नवसाक्षर, पोषण आहार, निपुण महाराष्ट्र स्वयंसेवक नोंदणी अशा अनेक माहिती अद्ययावत करण्याचे काम सुरू असून त्यात पालकांच्या व्हॉट्सअँप क्रमांकांची त्यात भर पडली आहे. विद्यार्थ्यांची शैक्षणिक प्रगती पालकांना कळावी यासाठी निपुण महाराष्ट्र' कार्यक्रमाअंतर्गत शिक्षकांना पालकांचे व्हॉट्सअॅप क्रमांक घेण्याच्या सूचना देण्यात आल्या आहेत.