नाशिक : बालविवाह रोखण्यात पोलिसांना यश

एका अल्पवयीन मुलीचा बालविवाह होत असल्याची गुप्त माहिती पोलिसांना मिळाली होती.
Police
Police esakal

अंबासन (जि. नाशिक) : जायखेडा पोलिस ठाण्यातील हद्दीतील गावात एका अल्पवयीन मुलीचा बालविवाह होत असल्याची गुप्त माहिती पोलिसांना मिळताच जायखेडा पोलिसांनी संबंधित ठिकाणी धाव घेत होणारा बालविवाह रोखण्यात यश आले व अल्पवयीन मुलीच्या आई, वडील व नातेवाईकांना बालविवाह प्रतिबंधक कायद्याच्या तरतुदी समजावून बालविवाह थांबविण्याच्या सूचना दिल्या व संबधितांना प्रबोधन केले.

पोलिसांनी दिलेल्या माहितीनुसार बुधवार (ता. १८) रोजी जायखेडा पोलिसांना गुप्त माहिती मिळाली, की भडाणे (ता.बागलाण) या गावी अल्पवयीन मुलीचा बालविवाह होणार आहे अशी माहिती जायखेडा पोलिस ठाण्याचे प्रभारी सहाय्यक पोलिस निरीक्षक श्रीकृष्ण पारधी तसेच सहाय्यक पोलिस निरीक्षक देवेंद्र शिंदे यांना मिळाल्यावरून त्यांनी तात्काळ सदर ठिकाणी जायखेडा पोलिस ठाण्याचे पोलिस उपनिरीक्षक नवनाथ रसाळ, महिला पोलिस प्रतिमा श्रीखंडे, पोलिस नाईक शरद भगरे यांना रवाना केले. त्यानंतर पथकाने भडाणे गावी जाऊन अल्पवयीन मुलीच्या आई, वडील व नातेवाईकांना बालविवाह प्रतिबंधक कायद्याच्या तरतुदी समजावून सांगून बालविवाह थांबविण्याच्या सूचना दिल्या. सदर कारवाईत गावाचे ग्रामसेवक श्री.कोठावदे, पोलिस पाटील महेंद्र भामरे, अंगणवाडी सेविका श्रीमती ज्योत्स्ना पवार, सरपंच श्रीमती प्रमोदिनी भामरे आदिंनी बालविवाह प्रतिबंधक समितीचे सदस्य म्हणून अल्पवयीन मुलीच्या आई-वडिलांना कायदेशीर बाबी समजावून सांगत पोलिसांच्या माध्यमातून सदरचा बालविवाह थांबविला असून नागरिकांना आवाहन करण्यात येते की, कोणीही आपल्या मुलामुलींना लग्नाचे वय पूर्ण होण्याअगोदर लग्नासाठी भाग पाडू नका अन्यथा कायदेशीर कारवाई होऊ शकते याबाबत जायखेडा पोलिसांनी आवाहन केले आहे.

Police
Nashik : सहाय्यक पोलिस निरीक्षकासह पोलिस नाईकाला लाच घेताना अटक

''पालकांनी आपल्या अल्पवयीन मुलामुलींना लग्नाचे वय पूर्ण होण्याअगोदर लग्नासाठी भाग पाडू नका अन्यथा बाल विवाह प्रतिबंध कायद्यातील तरतदींनुसार कायदेशीर कारवाई होऊ शकते.'' - नवनाथ रसाळ, उपनिरीक्षक जायखेडा.

Police
लाच मागणाऱ्या हवालदाराला अटक; 23 दिवसांनंतर गुन्हा दाखल

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com