नाशिक : लाचलुचपत प्रतिबंधक विभागाने अपहारप्रकरणी गुन्हा दाखल केल्यानंतर शिवसेनेच्या उबाठा गटाचे महानगरप्रमुख सुधाकर बडगुजर यांची शुक्रवारी (ता.२२) एसीबीच्या नाशिक कार्यालयात चौकशी होणार आहे.
याप्रकरणी ‘लाचलुचपत’च्या पथकाकडून बडगुजर यांच्या १९९२ मध्ये स्थापन झालेल्या कंपनीचा तपास सुरु आहे. (sudhakar Badgujar thorough investigation of financial dealings by acb nashik crime news)
२०१६ मध्ये तत्कालीन महापालिका आयुक्त प्रविण गेडाम यांनी लाचलुचपत प्रतिबंधक विभागाकडे सुधाकर बडगुजर यांची तक्रार केली होती. याच तक्रारीच्या अनुषंगाने लाचलुचपत प्रतिबंधक विभागाच्या पथकाने बडगुजर यांच्यासह साहेबराव रामदास शिंदे, सुरेश भिका चव्हाण यांच्याविरोधात गेल्या रविवारी (ता. १७) सरकारवाडा पोलिसात गुन्हा दाखल केला.
याप्रकरणी बडगुजर यांनी मुदत मागितली असता ‘लाचलुचपत’ने त्यांना चार दिवसांची मुदत दिली. त्यानुसार, शुक्रवारी (ता.२२) बडगुजर एसीबी कार्यालयात उपस्थित राहण्याची शक्यता आहे.
सुधाकर बडगुजर यांनी त्यांच्या कंपनीतून २००६ मध्ये निवृत्ती घेतली. यासंदर्भातील कागदपत्रे तपासली जात आहेत. त्यानंतर ते २००७ पासून ते आत्तापर्यंत नगरसेवक होते. या दरम्यान त्यांनी पदाचा दुरुपयोग करत स्वत:च्या कंपनीला कामे दिल्याच्या अनुषंगाने तपासाची सुत्रे जात आहेत.
डान्सप्रकरणी साक्षीदारांचे जबाब
शहर गुन्हेशाखेच्या युनिट एकमध्ये डान्सपार्टी प्रकरणी गुरुवारी (ता.२१) पोलिसांनी साक्षीदारांची चौकशी करत जाबजबाव नोंदविले. मात्र, बडगुजर यांना बोलाविण्यात आले नव्हते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.