पिळकोस येथील शेतमजुराची आत्महत्या

खामखेडा (जि. नाशिक) : पिळकोस (ता. कळवण) येथील आदिवासी वस्तीतील दादाजी कारभारी मोरे (वय ३७) या शेतमजुराने स्वतःच्या पत्र्याच्या राहत्या घरात दुपारी दोनला पत्नी व मुलगी शेतमजुरीस गेलेले असताना घरात एकटे असल्यावर घराच्या लोखंडी अँगलला दोरी बांधून गळ्याला गळफास (Hang) लावून घेऊन आत्महत्या (Suicide) केली. (Suicide of a farm laborer at Pilkos Nashik News)

याबाबतीत वृत्त असे, की पिळकोस येथील आदिवासी वस्तीत राहणारे दादाजी मोरे यांनी दुपारी दोनला घरातील सर्व शेतमजुरीसाठी गेलेले असताना स्वतःच्या घरातच लोखंडी अँगलला दोरी बांधून गळफास लावून आत्महत्या केली. घराजवळ राहणारे मोरे यांचे मोठे भाऊ बापू मोरे यांना त्यांच्या भावाने आत्महत्या केल्याचे समजल्यावर या घटनेची खबर पोलिस ठाण्यात पोलिसांना दिली. कळवण पोलिसांनी घटनास्थळी येऊन घटनेचा पंचनामा केला. मृत दादाजी मोरे यांचे कळवण उपजिल्हा रुग्णालयात शवविच्छेदन करून रात्री उशिरा त्यांच्यावर अंत्यसंस्कार करण्यात आले. त्यांच्या मागे पत्नी, आई, भाऊ, भावजाई, मुलगा, मुलगी, पुतण्या असा मोठा परिवार आहे. कळवण पोलिसांत अकस्मात मृत्यूची नोद करण्यात आली असून, पुढील तपास पोलिस निरीक्षक समाधान नागरे यांच्या मार्गदर्शनाखाली डी. वाय. बोरसे, सुरेश पवार, वाघमारे, बागूल करत आहेत.