Nashik Air Show : नाशिकच्या आकाशात थरार! सूर्यकिरण पथकाचा चित्तथरारक 'एरो-शो' आजपासून

नाशिक: भारतीय हवाई दलाच्या सूर्यकिरण ॲरोबॅटिक साहसी पथकातर्फे गुरुवारी (ता. २२) गंगापूर धरण परिसरात सकाळी दहा ते दुपारी बारा या वेळेत हवाई कसरतींचे सादरीकरण करण्यात येणार आहे. या हवाई कसरतींसाठी यंत्रणा सज्ज झाल्या आहेत. जलसंपदामंत्री गिरीश महाजन यांनी धरण परिसरात बुधवारी (ता. २१) पाहणी केली. तसेच तयारीसंदर्भात सूचनाही केल्या.