Crime Update : अत्याचार प्रकरणी संशयितास जालन्यातून अटक
जुने नाशिक : लग्नाचे आमिष दाखवून तसेच अश्लील फोटो प्रसारित करण्याची धमकी देत लैंगिक अत्याचार करण्याऱ्या संशयित शकील मदार सय्यद यास भद्रकाली गुन्हे शोध पथकाने यास जाफराबाद येथून अटक केली. न्यायालयात हजर केले असता, त्यास सात दिवसांची पोलिस कोठडी सुनावण्यात आली. (Suspect arrested in torture case from jalna Nashik Crime Update latest marathi news)
तांत्रिक विश्लेषण विभागाच्या मदतीने वरिष्ठ पोलिस निरीक्षक दत्ता पवार यांच्या मार्गदर्शनाखाली भद्रकाली गुन्हे शोध पथकाचे सहाय्यक निरीक्षक किशोर खांडवी, कर्मचारी संदीप शेळके, सागर निकुंभ आणि धनंजय हासे यांनी संशयिताच्या मोबाईल लोकेशनने त्याचा माग काढत त्यास जालना येवता जाफराबाद येथून गुरुवारी (ता. २५) रात्री दीडच्या सुमारास ताब्यात घेतले.
संशयित एका ठिकाणाहून दुसऱ्या ठिकाणी पळ काढत असल्याने वारंवार त्याचे लोकेशन बदलत होते. अशा परिस्थितीत गुन्हे शोध पथकाने स्थानिक पोलिसांच्या मदतीने मोठ्या चिकाटीने संशयितास ताब्यात घेतले.
हे ही वाचा
