Aaditya Thackeray : "एका झाडालाही हात लावू देणार नाही"; तपोवनातील वृक्षतोडीवरून आदित्य ठाकरे आक्रमक!

नाशिक: तपोवनात प्रस्तावित माईस सेंटरसाठी होणाऱ्या वृक्षतोडीविरोधात माजी पर्यावरणमंत्री व आमदार आदित्य ठाकरे यांनी शनिवारी (ता. २७) ठाम भूमिका मांडली. ‘माईस सेंटर उभारायचेच असेल, तर नाशिकमध्ये इतर जागा आहेत; तपोवनातच त्याचा आग्रह कशासाठी?’ असा सवाल करत त्यांनी कुंभमेळामंत्री गिरीश महाजन यांचे नाव न घेता सरकारवर ‘बिल्डरधर्म जोपासू नका’ असा टोला लगावला.