Nashik : 2 बॅटऱ्यासह डिझेलची चोरी

सिन्नर (जि. नाशिक) : तालुक्यातील मुसळगाव एमआयडीसी शिवारातून दोन बॅटऱ्या व डिझेल चोरीला (theft) गेले. एमआयडीसी शिवारात नीलकमल कंपनीजवळील चॅनल क्रमांक ३-९०० या ठिकाणी असलेल्या एक्साइड कंपनीच्या दोन व्हॅटच्या दोन बॅटऱ्या व सुमारे ९० लिटर डिझेल, असा एकूण २० हजार ७३० रुपयांचा मुद्देमाल चोरीला गेला. (Theft of diesel with 2 batteries Nashik Latest crime news)

याप्रकरणी सिक्युरिटी सुपरवायझर कैलास दौलत काकड (वय ४५, रा. पिंपरवाडी, वावी) यांनी दिलेल्या फिर्यादीवरून एमआयडीसी पोलिस ठाण्यात चोरट्याविरुद्ध गुन्हा दाखल झाला आहे.

दुसऱ्या घटनेत सिन्नर शहरातील उगले लॉन्स परिसरातील त्रिशूळी या भागातून दिवसाढवळ्या दुचाकी लंपास झाली. मोहंमद रफीक मन्सुरी (३६, रा. त्रिशुळी पाण्याच्या टाकीजवळ) यांनी आपली दुचाकी (एमएच १५, एफपी ९३६०) दुपारी घरासमोर लावली होती.

चोरट्याने संधी साधत दुचाकी लंपास केली. सर्वत्र शोध घेऊनही दुचाकी न सापडल्याने मन्सुरी यांनी सिन्नर पोलिस ठाण्यात फिर्याद दिली. पोलिस नाईक आव्हाड तपास करीत आहेत.