देवळा- तालुक्यातील मेशीफाटा येथे शुक्रवार (ता.७) रात्रीच्या सुमारास बंद घराचे कुलूप तोडून सत्तर हजारांचा ऐवज लंपास करणाऱ्या संशयिताला देवळा पोलिसांनी २४ तासांत आज रविवार (ता.९) मुद्देमालासह अटक केली. .देवळा तालुक्यातील मेशीफाटा येथे शुक्रवार (ता.७) च्या रात्री सोनाली रवींद्र सोनवणे त्यांच्या कुटुंबीयांसह घराशेजारील कांदाचाळीत झोपलेल्या असताना चोराने बंद घराचे कुलूप तोडून कांदाविक्री करून आलेले सत्तर हजार रुपयांची रोकड घरातून लंपास केली. याबाबत सोनाली सोनवणे यांनी देवळा पोलिसात तक्रार दिल्यानंतर देवळा पोलिसांत चोरीचा गुन्हा दाखल करण्यात आला होता. .देवळा पोलिस स्टेशनचे निरीक्षक सार्थक नेहते व कळवण उपविभागीय पोलिस अधिकारी किरणकुमार सूर्यवंशी यांच्या मार्गदर्शनाखाली देवळा पोलिसांनी घटनास्थळी भेट देऊन श्वान पथकाला पाचारण करत तपासास सुरवात केली..श्वान पथकाने घटनास्थळापासून मेशी फाटा परिसरात राहणाऱ्या गणेश बापू शिंदे यांच्या घरापर्यंत माग दाखविल्याने पोलिसांनी संशयित आरोपी गणेश शिंदे याला ताब्यात घेऊन विचारपूस केली असता त्याने आपणच चोरी केल्याची कबुली देऊन चोरीचे सत्तर हजार रुपये पोलिसांच्या ताब्यात दिले. .चोवीस तासात गुन्ह्याची उकल करून गुन्ह्यातील चोरास अटक करून तसेच ७० हजार रुपये मुद्देमालास पोलिसांनी संशयिताच्या मुसक्या आवळल्या. उपनिरीक्षक दामोदर काळे, पोलिस हवालदार भास्कर सोनवणे, इंद्रजित बर्डे, नितीन बाराहाते, पोलिस नाईक संजय मोरे, पोलिस अंमलदार संदीप चौधरी, श्रावण शिंदे यांच्या पथकाने कारवाई केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
