Nashik : शहर परिसरात तिघांनी गळफास घेत संपविली जीवनयात्रा

नाशिक : शहरात वेगवेगळ्या घटनांमध्ये तिघांनी गळफास घेत जीवनयात्रा संपविली. याप्रकरणी संबंधित पोलिस ठाण्यांमध्ये आकस्मात मृत्यूची नोंद झाली आहे. सातपूरच्या घाटोळ मळा परिसरात १९ वर्षाच्या युवकाने आत्महत्या केली. (Three in city ended their journey by hanging themselves Nashik Latest Marathi News)

योगेश शेषराव साठे (१९), असे मृत युवकाचे नाव आहे. योगेश याने शुक्रवारी (ता. १६) सायंकाळी साडेपाचच्या सुमारास राहत्या घरात साडीच्या साहाय्याने बांधून गळफास घेतला. याप्रकरणी सातपूर पोलिसात नोंद झाली आहे. दुसऱ्या घटनेत सिडकोतील इसमाने पंचवटीतील रो हाऊसच्या बांधकामाच्या ठिकाणी गळफास घेत आत्महत्या केली.

सुनील वसंत मराठे (३६, रा. सावतानगर, सिडको), असे मृत व्यक्तीचे नाव आहे. पंचवटीतील कुमावतनगरमध्ये असलेल्या भन्साळी मळ्यात रो-हाऊसचे काम सुरू असलेल्या ठिकाणी मराठे यांनी शुक्रवारी (ता.१६) दुपारी गळफास घेतला. उपचारासाठी जिल्हा रुग्णालयात दाखल केले असता, वैद्यकीय अधिकाऱ्यांनी तपासून मृत घोषित केले.

याप्रकरणी पंचवटी पोलिसात नोंद करण्यात आली आहे. तिसरी घटना सिडकोतील मोरवाडीत घडली. सुधाकर पुंडलिक सर्जेराव (६५), असे मृत व्यक्तीचे नाव असून, सर्जेराव यांनी शुक्रवारी (ता. १६) सकाळी राहत्या घरात गळफास घेतला. याप्रकरणी अंबड पोलिसात नोंद करण्यात आली आहे.