रोहित पवार युपीएससीत ६९ वा

KPD26B12574 निमगूळ : रोहित पवार यांचा सत्कार करताना मनोहर भदाणे. ------------- निमगूळच्या रोहितचा ग्रामस्थांकडून सत्कार निमगूळ (ता. धुळे) : येथील रोहित संजय पवार या युवकाने केंद्रीय लोकसेवा आयोगाच्या ‘भारतीय वन सेवा’ परीक्षेत देशात एकोणसत्तरवा क्रमांक पटकावला. रोहितच्या या यशामुळे धुळे जिल्ह्याचा नावलौकिक देशपातळीवर उंचावला आहे. त्याबद्दल पवार यांचा नागरी सत्कार करण्यात आला. अध्यक्षस्थानी जिल्हा परीषदेचे माजी अध्यक्ष मनोहर भदाणे होते. प्रमुख पाहुणे म्हणून आशुतोष पाटील, विद्याधर पाटील, दिलीप सूर्यवंशी, जितेंद्र मोरे, शांताराम सूर्यवंशी, दिनेश मोरे, पिंटू चव्हाण, अजित मोरे उपस्थित होते. या वेळी माजी अध्यक्ष भदाणे म्हणाले, ग्रामीण भागातील प्रतिकूल परिस्थितीवर मात करत, जिद्द आणि अथक मेहनतीच्या जोरावर रोहित पवार यांनी हे दैदीप्यमान यश मिळविले आहे. शेतकरी कुटुंबातील रोहितचे हे यश धुळे ग्रामीण भागातील तरुण पिढीसाठी प्रेरणा ठरणार आहे.