व्हॉटसॲपवर बदनामी करणाऱ्याविराेधात गुन्हा दाखल

व्हॉटसॲपवर बदनामी विराेधात गुन्हा दाखल मालेगाव, ता. २३ : येथील सेवानिवृत्त नायब तहसीलदार हे चलाे राळेगण सिध्दी या व्हॉटसॲप ग्रुपला जॉईन आहेत. त्या गृपमध्ये आर्वी येथील विलास पाटील यांनी त्या गृपला धुळ्यातील तहसीलदार, प्रांताधिकारी, जिल्हाधिकारी यांच्याविरोधात अर्वाच्च शब्दांचा उपयोग केल्याने कॅम्प पोलिस ठाण्यात आर.पी.कुवर यांच्या तक्रारीवरुन पाटील यांच्या विरोधात गुन्हा दाखल झाला आहे. तक्रारदार आर. पी. कुवर निवृत्त नायब तहसीलदार असून त्यांचे चिरंजीव धुळे येथे प्रांताधिकारी आहेत. कुवर हे चलो राळेगण सिध्दी या व्हॉटसॲप गृपला जॉईन असून त्या गृपमध्ये विलास पाटील यांनी तहसीलदार, प्रांत, जिल्हाधिकारी यांच्या विरोधात चुकीचा शब्द वापरुन त्यांची बदनामी केल्याची तक्रार आहे. सहाय्यक पोलिस निरीक्षक पंकज निकम तपास करीत आहेत.