औषध विक्रेत्यांचा

संक्षिप्त औषध विक्रेत्यांची २० मेस बंदची हाक जळगाव, ता. १५ : अखिल भारतीय औषधी विक्रेता संघटनेने प्रलंबित मागण्यांसाठी २० मे रोजी देशात व राज्यात बंदची हाक दिली आहे. या आंदोलनात सर्व ठोक व किरकोळ औषध विक्रीचे व्यवहार बंद ठेवण्याचे आवाहन संघटनेने केले आहे. त्यामुळे शहरातील जिल्ह्यातील अनेक औषध दुकाने बंद राहण्याची शक्यता आहे. नागरिकांनी अत्यावश्यक औषधे व वैद्यकीय साहित्य यांची आगाऊ व्यवस्था करून घ्यावी, असे आवाहन अन्न व औषध प्रशासन विभागातर्फे करण्यात आले आहे. आपत्कालीन सेवा, शासकीय रुग्णालये तसेच काही निवडक औषध दुकाने सुरू राहण्याची शक्यता आहे. कायदा व सुव्यवस्था अबाधित राखण्यासाठी औषध प्रशासन व पोलिस विभागाकडून आवश्यक उपाययोजना करण्यात आल्या आहेत. या पार्श्वभूमीवर, सहायक आयुक्त (औषधे), अन्न व औषध प्रशासनाने केमिस्ट बांधवांना आवाहन केले आहे की, या बंदमध्ये सहभागी होऊ नये. आपत्कालीन परिस्थितीत औषधे उपलब्ध न झाल्यास सहायक आयुक्त (औषधे) डॉ. प्र.भा. अस्वार (९४२२३५६१४३) व श्रीमती क. र. पाटील (९८६०१७२५६१) यांच्याशी संपर्क साधावा. --------