छत्रपती शाहू महाराज जयंती साजरी

NSK26H22534 नंदुरबार : शाहू महाराज जयंतीनिमित्त आयोजित कार्यक्रमास उपस्थित प्रा. डॉ. एम. जे. रघुवंशी, डॉ. एम. आर. पाटील, प्रा. डी. ए. पाटील. --- पाटील महाविद्यालयात शाहू महाराज जयंती नंदुरबार : येथील जी. टी. पाटील महाविद्यालयात राजर्षी छत्रपती शाहू महाराज जयंती उत्साहात साजरी करण्यात आली. महाविद्यालयाचे प्राचार्य तथा कबचौ उमवि विद्यापीठाचे व्यवस्थापन परिषद सदस्य डॉ. एम. जे. रघुवंशी अध्यक्षस्थानी होते. उपप्राचार्य डॉ. एम. आर. पाटील, कनिष्ठ महाविद्यालयाचे उपप्राचार्य प्रा. डी. ए. पाटील प्रमुख पाहुणे होते. प्राचार्य डॉ. एम. जे. रघुवंशी यांनी सांगितले, की शाहू महाराजांनी समाजासाठी, शिक्षणासाठी, गोरगरीब जनतेसाठी केलेले कार्य समाजाला दिशादर्शक आहे. जयंती उत्सव समितीचे डॉ. उपेंद्र धगधगे यांनी शाहू महाराजांच्या सामाजिक कार्य व राष्ट्रासाठी केलेल्या कार्याला उजाळा दिला. डॉ. मनोज शेवाळे यांनी सूत्रसंचालन केले व आभार मानले.