तलवार बाळगणारा गजाआड

धुळे ः टुडे १ साठी -- फोटो क्रमांक ः 28495 धुळे : एलसीबीने जप्त केलेल्या तलवारीसह संशयित तरुण व कारवाई करणारे पोलिस पथक. -- दहशतीसाठी तलवार बाळगणारा गजाआड - सकाळ वृत्तसेवा धुळे, ता. १ : परिसरात दहशत माजविण्याच्या उद्देशाने बेकायदेशीररीत्या तलवार बाळगणाऱ्या २४ वर्षीय तरुणास स्थानिक गुन्हे शाखेच्या पथकाने गजाआड केले. राहुल भीमराव अहिरे (रा. न्याहोळद, ता. धुळे) असे संशयिताचे नाव आहे. स्थानिक गुन्हे शाखेचे पोलिस निरीक्षक ज्ञानेश्वर वारे यांना ३१ ऑगस्टला मिळालेल्या माहितीनुसार बिलाडी-न्याहोळद रोडवरील इंडियन ऑइल पेट्रोल पंपाजवळील मोकळ्या जागेत झाडाजवळ ही कारवाई करण्यात आली. या कारवाईदरम्यान संशयित राहुल अहिरे याच्याकडून सुमारे दोन हजार रुपये किमतीची २६ इंच लांब तलवार जप्त करण्यात आली. याप्रकरणी सोनगीर पोलिस ठाण्यात शस्त्र अधिनियम कलमान्वये गुन्हा दाखल करण्यात आला आहे. ही कारवाई पोलिस अधीक्षक विशाल आनंद व अपर पोलिस अधीक्षक अजय देवरे यांच्या मार्गदर्शनात पोलिस निरीक्षक वारे, सहायक पोलिस निरीक्षक दीपक ढोके, तसेच अंमलदार राहुल सानप, देवेंद्र ठाकूर, शिरीष भदाणे, प्रकाश सोनार, संदीप पाटील, आशिषकुमार वानखेडे यांच्या पथकाने केली.