‘जल्लोष लोककलेचा’ महोत्सव

फोटो : H28984 ​बालरंगभूमी परिषदेतर्फे ‘जल्लोष लोककलेचा’ सकाळ वृत्तसेवा नाशिक, ता. ६ : गोंधळ, भारुड, लावणी, पोवाडा, कोळीगीते, धनगरी नृत्ये, वाघ्या-मुरळी आणि लेझीम यांसारख्या लोककलांनी समाजाचे प्रबोधन केले. ढोलकी, तुणतुणे, हलगी आणि झांज सारख्या तालवाद्यांची लोकपरंपरा नवीन पिढीपर्यंत पोहोचविणे काळाची गरज आहे. या उद्देशाने बालरंगभूमी परिषद नाशिक शाखेतर्फे बाल व युवा कलाकारांसाठी ‘जल्लोष लोककलेचा’ या महोत्सवाचे आयोजन १९ सप्टेंबरला अशोकस्तंभावरील पुष्पावती रुंगठा शाळेत करण्यात आले आहे. सकाळी नऊ ते सायंकाळी पाचपर्यंत रंगणाऱ्या या महोत्सवात ​एकल वादन, नृत्य, गायन तसेच समूह गायन, नृत्य प्रकार सादर करण्याची संधी विद्यार्थ्यांना मिळणार आहे. स्पर्धेतील गुणवंत कलाकारांना भरघोस पारितोषिके देण्यात येणार असून विजेत्यांना २ व ३ ऑक्टोबरला मुबईतील यशवंत नाट्यगृह येथील अंतिम फेरीत सहभागी होण्याची संधी मिळणार आहे. महोत्सवात सहभागी होण्यासाठी प्रवेशाची अंतिम तारीख १५ सप्टेंबर असून अधिक माहितीसाठी (८६००२८२७३९) (९२७०४८१८४४) क्रमांकावर संपर्क साधावा. -- कोट आधुनिक तंत्रज्ञानाच्या समाज माध्यमांत वावरणाऱ्या पिढीला आपल्या पारंपरिक लोककला, वाद्य परंपरा कळावी. या हेतूने लोककलेच्या माध्यमातून हक्काचा मंच मिळावा या उद्देशाने महोत्सव घेण्यात येत आहे. - महेश डोकडोफे, अध्यक्ष, बालरंगभूमी परिषद, नाशिक शाखा -------