बसच्या धडकेत ६८ वर्षीय वृद्धाचा मृत्यू;

खासगी बसच्या धडकेत शहरातील वृद्धाचा मृत्यू चालकाविरोधात पोलिसांत गुन्हा दाखल सकाळ वृत्तसेवा जळगाव, ता. २१ : शहरातील नेरीनाका चौकात लक्झरी बसने दिलेल्या धडकेत ६८ वर्षीय वृद्धाचा मृत्यू झाला. जगन्नाथ तुका चौधरी (वय ६८, रा. जगवानीनगर) असे मृताचे नाव आहे. या प्रकरणी बस चालकाविरुद्ध शनिपेठ पोलिस ठाण्यात गुन्हा दाखल करण्यात आला आहे. नेरी नाका चौकातून मंगळवारी (ता. १५) सकाळी नऊच्या सुमारास जगन्नाथ चौधरी पायी जात होते. यावेळी अजिंठा चौफुलीकडून आलेली बस नेरीनाका बसस्थानकाकडे वळण घेत असताना खासगी लक्झरी बस (एमएच १९, वाय. २४२४) चालकाने रस्त्याच्या परिस्थितीकडे दुर्लक्ष करून जगन्नाथ चौधरी यांना जोराची धडक दिली. या अपघातात जगन्नाथ चौधरी यांच्या डाव्या, पायाला गंभीर दुखापत होऊन त्यांचा मृत्यू झाला. या प्रकरणी मृत वृद्धाचा मुलगा दीपक जगन्नाथ चौधरी (वय ४२, रा. जगवानीनगर, एमआयडीसी, जळगाव) यांनी रविवारी (ता. २०) दिलेल्या तक्रारीवरून शनिपेठ पोलिस ठाण्यात बसचालक सुनील एकनाथ पायघन (रा. शेंदुर्णी, ता. जामनेर) याच्याविरुद्ध गुन्हा दाखल करत आला आहे. सहायक फौजदार गणेशकुमार नायकर तपास करीत आहेत.