अल्पवयीन मुलावर लोखंडी फायटरने हल्ला

अल्पवयीन मुलावर फायटरने हल्ला जुने नाशिक : जुन्या वादातून अल्पवयीन मुलावर लोखंडी फायटरने हल्ला केल्याची घटना मुलतानपुरा भागात घडली. या प्रकरणी भद्रकाली पोलिस ठाण्यात सादिक कुरेशी ऊर्फ सद्दू, मुशरीफ मनियार आणि कैफ शेख या तिघांविरुद्ध गुन्हा दाखल करण्यात आला आहे. सोमवारी (ता. २२) घरासमोर झालेल्या किरकोळ वादानंतर संशयितांनी अल्पवयीनावर फायटरने हल्ला केला. संशयितांच्या पालकांनी माफी मागितल्याने तक्रार देण्यात आली नव्हती. मात्र, गुरुवारी (ता. २५) मुलतानपुरा परिसरात संशयितांनी पुन्हा अल्पवयीनास अडवून मारहाण केली. सादिक कुरेशी याने लोखंडी फायटरने डोक्यावर आणि हातावर वार केला, त्यात तो गंभीर जखमी झाला. अन्य दोघांनी लाथाबुक्क्यांनी मारहाण करून ठार करण्याची धमकी दिली. अल्पवयीन मुलांच्या वडिलांच्या तक्रारीवरून गुन्हा दाखल करण्यात आला.