चांदवड तालुक्यामधील पाटेगावाच्या परिसरात विहिरीत पडलेल्या हरणाच्या पाडसाला जीवदान

विहीरीत पडलेल्या पाडसाला जीवदान सोग्रस ः चांदवड तालुक्यातील पाटे येथे विहिरीत पडलेल्या नवजात हरणाच्या पाडसाला वन विभागाच्या पथकाने स्थानिक नागरिकांच्या मदतीने सुखरूप बाहेर काढून त्यास पुन्हा नैसर्गिक अधिवासात सोडले. चांदवड तालुक्यातील पाटे गावातील शेतकरी अर्जुन चव्हाण यांच्या गट ३८२ शेतामधील विहिरीत नवजात हरणाचे पाडस पडल्याचे काही ग्रामस्थांच्या निदर्शनास आले. त्यांनी तत्काळ याबाबतची माहिती वनविभागाच्या कर्मचाऱ्यांना दिली. वनविभागाच्या पथकाने बचाव कार्य राबविले.