नाशिक : सध्या टोमॅटोला चांगला बाजारभाव मिळत आहे. त्यामुळे मखमलाबाद शिवारात टोमॅटो काढण्याचे काम सुरू आहे. शेतमळ्यात काढलेले टोमॅटोच्या दोन-चार जाळ्या भुरट्या चोरट्यांनी रात्री लंपास केल्या. याबाबत त्रस्त शेतकऱ्यांनी म्हसरुळ पोलिसांकडून तक्रार करूनही टोमॅटो चोरीच्या घटना थांबलेल्या नाहीत. त्यामुळे शेतकऱ्यांमध्ये तीव्र नाराजी आहे. (Tomato theft in Makhmalabad Shiwar nashik Latest Crime News)
अतिपावसामुळे शेतकऱ्यांच्या पिकांचे मोठ्या प्रमाणात नुकसान झाले आहे. त्यातही शेतकऱ्यांनी मेहनत घेऊन काही पिकांना या विपरित हवामानातही वाचवून पीक जगविली. टोमॅटोला सध्या चांगला बाजारभाव मिळत असून, मार्केटमध्ये ७०० ते ८०० रुपयांना प्रतिजाळी (कॅरेट) विकली जात आहे. मखमलाबाद शिवारात टोमॅटोचे पीक घेणारे शेतकरी मोठ्या प्रमाणात आहे. शेतकरी व मजूर दिवसभर टोमॅटो काढतात. सायंकाळी टोमॅटोच्या जाळ्या भरून शेतमळ्यातच ठेवतात. पहाटे या जाळ्या पीकअपमधून मार्केटमध्ये लिलावासाठी नेल्या जातात.
मात्र, मखमलाबाद शिवारात गेल्या काही दिवसांपासून भुरट्या चोरट्यांनी धुमाकूळ घातला आहे. रात्रीच्या वेळी भुरटे चोरटे मळ्यांमध्ये जाऊन दोन-चार टोमॅटोच्या जाळ्या लंपास करीत आहेत. यामुळे शेतकऱ्यांना शेकडो रुपयांचा फटका बसत आहे. यासंदर्भात ज्ञानेश्वर पिंगळे, शंकर पिंगळे यांच्यासह त्रस्त शेतकऱ्यांनी म्हसरूळ पोलिसांकडे या भुरट्या चोरट्यांचा बंदोबस्त करण्याची मागणी केली. मात्र, त्यानंतरही मखमलाबाद शिवारात टोमॅटो चोरीच्या घटना थांबलेल्या नाहीत. यामुळे शेतकऱ्यांमध्ये तीव्र संताप व्यक्त असून, पोलिसांनी तातडीने या भुरट्या चोरट्यांचा बंदोबस्त करावा, अशी मागणी केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.