नाशिक: यंदा गणेशोत्सव मंडळांमध्ये मोठा उत्साह असून, आरास व देखावे उभारण्यात येत आहेत. आरास व देखावे पाहण्यासाठी भाविकांची मोठी गर्दी होण्याची शक्यता असल्याने त्या पार्श्वभूमीवर भाविकांना वाहतुकीचा अडथळा निर्माण होऊ नये, यासाठी येत्या ६ सप्टेंबरपर्यंत वाहतूक मार्गात बदल करण्यात आल्याची अधिसूचना शहर वाहतूक शाखेचे पोलिस उपायुक्त चंद्रकांत खांडवी यांनी जारी केली आहे. बदल केलेल्या मार्गांवर पर्यायी मार्ग सुचविण्यात आले असून, वाहनचालक व नागरिकांनी सहकार्य करावे, असे आवाहन वाहतूक शाखेने केले आहे.