नाशिक- भाविकांचे श्रद्धास्थान असलेल्या त्र्यंबकेश्वर येथील पवित्र कुशावर्तातील पाणी बदलण्यासाठी नगर परिषदेला दरमहा तब्बल ४० हजार रुपयांचे वीजबिल भरावे लागत आहे. इतका खर्च करूनही भाविकांना शुद्ध पाणी मिळत नसल्याची तक्रार साधू-संतांकडून वारंवार व्यक्त केली जाते. कुंडातील पाण्याचा हिरवा रंग आणि पाण्याची दूषितता लक्षात घेता नगर परिषदेने जलशुद्धीकरणासाठी उपाययोजना सुरू केल्या आहेत.
