Trimbakeshwar Online Puja: त्र्यंबकेश्वराच्या 'ऑनलाइन पूजे'च्या नावाखाली लूट, स्थानिक पुरोहितांचे गंभीर आरोप; अशी व्यवस्थाच नाही, ट्रस्टचे म्हणणे

त्र्यंबकेश्वर: त्र्यंबकेश्वर ज्योतिर्लिंगाच्या दर्शनासाठी देशभरातून भाविक येत असताना आता विविध मोबाईल अॅपच्या माध्यमातून 'ऑनलाइन पूजे'च्या नावाखाली पैसे कमावण्याचा प्रकार सुरू असल्याचा आरोप स्थानिक पुरोहितांनी केला आहे. मंदिर परिसर व पिंडीचे चित्रीकरण करून अभिषेक, बेलपत्र अर्पण, जलाभिषेक, कालसर्प पूजा आदी विधी भाविकांच्या नावाने घरबसल्या केल्याचे दर्शविले जात असल्याने स्थानिक पुरोहितांच्या पारंपरिक व्यवसायावर परिणाम होत असल्याचे त्यांचे म्हणणे आहे.