त्र्यंबकेश्वर- दर वर्षीप्रमाणे त्र्यंबकेश्वर ज्योतिर्लिंग दर्शनासाठी मोठ्या संख्येने येणाऱ्या भाविकांना सुलभ दर्शन व्हावे, यासाठी शुक्रवारी (ता. २५) भरपावसात दक्षिणेस देणगी कार्यालय व प्रसादवाटप केंद्रावर पत्राचे आच्छादन तयार करण्याचे काम हाती घेण्यात आले. स्थानिकांसाठी चार-पाच वर्षांपासून बंद असलेला पश्चिम दरवाजा उघडण्यात आला असून, या भागात मंडप टाकण्याचे काम सुरू आहे. दरम्यान, शुक्रवारी पहिल्याच दिवशी भाविकांची मोठ्या प्रमाणात गर्दी झाली होती.
